Кои се најдобрите кралски татковци во светот?

Според списанието „People“ принцот Хари беше прогласен за најсекси татко на 2019 година. Сепак, тој не е единствениот татко со кралско потекло кој заслужува посебно внимание.

Уредниците на веб-страницата „Wonderwall“ направија посебен список, кој ни покажува кои се најдобрите кралски татковци на светот.

Од Велика Британија преку Монако до Бутан - овие се најатрактивните и најдобрите татковци во кралските семејства низ целиот свет.

Принцот Вилијам

Тој е татко на три деца - принцот Џорџ, принцезата Шарлот и принцот Луис, а неговата сопруга е шармантната војвотка Кејт Мидлтон.

Принцот Карл Филип

Шведскиот принц има два сина со својата сопруга принцезата Софија: принцот Александар, војводата од Седерманланд, кој е роден во 2016 година и принцот Габриел, војводата од Даларна, кој е роден во 2017 година.

Принцот Андреа Казираги

Принцот од Монако очигледно го наследил својот холивудски изглед од неговата баба Грејс Кели. Тој и неговата сопруга, Татјана Санто Доминго, имаат три деца - нивниот најстар син Александар, нивната ќерка Индија и најмалото дете Максимилијан.

Принцот Пјер Казираги

Братот на Андреа Казираги е исто така шармантен татко. Тој се ожени со Беатрис Боромео во 2015 година. Тие се среќни родители на две деца - нивните синови Стефано Ерколе Карло и Франческо Карло Алберт.

Принцот Феликс

Принцот од Луксембург и неговата сопруга принцезата Клер имаат две деца: принцезата Амалија и принцот Лиам.

Принцот Питер Филипс

Единствениот син на принцезата Ан и најстариот внук на кралицата Елизабета Втора е исто така на овој список. Тој и неговата сопруга Отам Филипс имаат две ќерки, Савана и Исла Филипс.

Принцот Хакон

Наследникот на престолот на Норвешка и неговата сопруга принцезата Мете-Марит имаат две деца - принцезата Ингрид Александра и принцот Свер Магнус.

Принцот Фредерик

Наследникот на престолот на Данска и неговата сопруга принцезата Марија имаат четири деца - принцот Кристијан, принцезата Изабела и близнаците принцот Винсент и принцезата Џозефин.

Кралот на Бутан Џигме Кесар Намѓел Вангчук 

Кралот Џигме би можел да биде во актерската екипа на „Луди богати Азијци“ со својата беспрекорна холивудска визија. Тој и неговата сопруга кралицата Џетсун Пема имаат едно дете, нивниот син Гилси Џигме Намѓел Вангчук.

Извор: edna.bg

Фото: Getty