Кој е владетелот зад сенка: Половина Американци веруваат дека Бајден не е на врвот на пирамидата на моќ

Фото: Shutterstock / Profimedia / Illustration

Само 47 проценти од Американците веруваат дека Бајден сам одлучува за неговите претседателски должности.

Бројот на Американци кои веруваат дека некој друг освен американскиот претседател Џо Бајден донесува важни одлуки во Белата куќа е еднаков на бројот на американски граѓани кои веруваат дека Бајден е главниот во земјата, откри неодамнешното истражување на агенцијата Расмусен.

Само 47 проценти од Американците веруваат дека Бајден одлучува за своите претседателски должности, покажа анкетата. Истиот број испитаници, 47 проценти, се убедени дека некој друг, како потпретседателката Камала Харис, ги носи тие одлуки зад сцената.

Резултатите од анкетата се загрижувачки со оглед на широката расправа за менталната состојба на Бајден пред претседателските избори во ноември.

Гласините дека најстариот кандидат избран за претседател во историјата на САД страда од деменција или некои други ментални болести беа широко распространети за време на изборите во ноември и беа поттикнати од чести гафови во кои Бајден заборавил каде е, кога и како се вика.

На пример, тој го нарече поранешниот американски претседател Барак Обама „мој шеф, претседател“.

Одговорите на испитаниците отвораат и прашања за улогата на потпретседателката Камала Харис. Во текстот објавен на РТ се наведува дека медиумите многу малку обрнуваат внимание на нејзиниот стремеж за многу поважни претседателски должности.

Камала Харис го презеде местото на Бајден во неодамнешниот телефонски разговор со израелскиот премиер Бенјамин Нетанјаху, како и во разговорите со канадскиот премиер Џастин Трудо, францускиот претседател Емануел Макрон, австралискиот премиер Скот Морисон и шефот на Светската здравствена организација Тедрос Гебрејезус.

Според Си-Ен-Ен, американската потпретседателка сака да ја засили својата работа на надворешната политика и националната безбедност - две клучни области за секој кандидат кој се кандидира за претседател.

Нејзините лапсуси, во кои таа се повикуваше на „администрацијата на Харис“, и односот на медиумите кон неа, сугерираат дека нарачаниот лидер е доставен без гласање, се заклучува во текстот.