Која е ќерката на Путин: Докторката со продорен поглед

Рускиот претседател Владимир Путин никогаш не ги кажал имињата на своите деца во јавноста и скоро никогаш не коментирал за неговиот личен живот. За време на едно интервју, Путин рече дека не сака неговите деца да растат пред камера и дека сака тие да растат како нормални луѓе. Сепак, има информации и за неговите деца.

Познато е дека Путин има две ќерки, Катерина и Марија, од бракот со Људмила Путин, од која се разведе во 2013 година. 

Марија Воронцова е постара ќерка на Путин, родена 1985 година во Ленинград, сега Санкт Петербург. Таа е специјализирана за детска ендокринологија и е мажена за холандскиот претприемач Јорит Фаасен со кого има семејство.

Марија неодамна даде интервју за здравствената установа Номеко за една руска телевизија. Номеко е најголемиот проект за приватни инвестиции насочен кон истражување на современи методи за третман на рак. Во едно интервју, таа рече дека е косопственик на институцијата, според News.com.au, вреден 913 милиони долари.

Катерина Тихоновна е втора ќерка на Путин, има 33 години и вежба акробатски танц и работи на Московскиот универзитет. Таа се омажи за рускиот милијардер Кирил Шамалов во 2013 година, но тие се разведоа во 2018 година. 

Инаку, токму Марија се смета дека е таа која прва ја прими руската вакцина против коронавирусот. Еве што тогаш Путин изјави:

„Една од моите ќерки прими ваква вакцина. Во таа смисла, таа учествуваше во експериментот. „По првата вакцинација, таа имаше температура од 38, следниот ден малку над 37 и тоа е тоа“.