Куклен остров: Застрашувачко место со воодушевувачка приказна
Isla de las Muñecas
(фото:Getty Images)
Исла де лас Муњекас - Островот на куклите/Куклениот остров е застрашувачка и воодушевувачка приказна за човекот кој педесет години не се откажал од језив островски ритуал ...
Мексико ни е сигурно на сите на списокот на дестинации што сакаме да ги посетиме. Постојат многу причини за тоа, а оние за кои најмногу читаме се пивото, чоколади, мексикански сапуни и секако текилата. Но, откривме друга причина што може да ги натера љубителите на мистеријата да го посетат. Станува збор за Островот на кукли - Isla de las Muñecas.
Овој остров, никогаш не требало да биде место за туристите, сигурно се прашувате зошто, а одговорот на тоа прашање лежи во фактот дека тоа е место на ужасна несреќа што се случила на една девојка. Сепак ова не ги одврати туристите, туку ги охрабри.
Се наоѓа на 28 километри јужно од Мексико Сити, главниот град на Мексико, овој мал остров раскажува ужасна приказна. Страшна приказна за изгубена девојка чиј живот заврши предвреме и во ужасни, но малку чудни околности.
Куклите не се случајно, барем така вели легендата. Се вели дека куклите ги кријат изгубените делови од душата на сиромашната девојка, која е пронајдена удавена. Некои, исто така, велат дека куклите повремено мрдаат со рацете и нозете или ги отвораат и затвораат очите и наводно шепотат.
Оние што немаа доволно храброст да дојдат на островот, но пристапија со брод, велат дека куклите ги убедувале да им пристапат. Куклите честопати немаат дел од телото, им е отсечена главата или немаат очи, а ние сме сигурни дека никој не би сакал да им пристапи на поканата. Но, ова е само легенда.
Вистината е всушност различна, барем така велат. Тогашниот чувар кој се нашол на местото на несреќата и ја нашол удавената девојка наскоро видел кукла која лебди недалеку од водата. Тој претпоставил дека куклата припаѓа на несреќна девојка и ја закачил на дрво за да покаже почит кон духот на девојчето.
Но, приказната продолжува. Други велат дека чуварот ја измислил приказната и се вели дека бил прогонуван од духот на девојчето.
Тој почнал да закачува сè повеќе кукли во надеж дека ќе ја смири несреќната душа барем малку.. Јулијан - чуварот не можел да го прифати фактот дека не можел да ја спаси девојката, така што оваа мака го одбележала неговиот живот до смрт.
Јулијан по несреќниот настан собирал и закачувал кукли дури 50 години, а неговиот крај бил со слична приказна. Тој бил пронајден мртов, удавен на истото место каде и малото девојче.
На островот секојдневно има се повеќе кукли, донесени од посетители. Ако сте еден од оние што ќе го посетат островот, не заборавајте да понесете кукла со себе. Треба да знаете дека патот до островот не е лесен.
