Љубителите на пиво се едноставни, а вино пијат друштвените луѓе: Што вели омилениот алкохолен пијалак за карактерот на една личност

Резултати од студија!

Интересно е што една неодамнешна студија предводена од психологот Питер К. Џонасон сугерира дека навистина можеме да извлечеме некои заклучоци за личноста не само набљудувајќи ja што пиe, туку и каде претпочита да пиe.

Љубителите на виски се самоуверени и полни со самодоверба, љубителите на вино или вино од јаболка се достапни и социјални, малку непослушни и речиси секогаш пијат надвор од дома.

Корисниците на пиво знаат да се препуштат на задоволствата, тие се едноставни луѓе, непријатните работи ги гледаат како минливи, се вели во студијата.

Научниците од Австралија открија дека постои врска помеѓу омилениот пијалак и карактерот на една личност.

Студијата ја водел Питер К. Џонасон, а учествувале 1.232 испитаници, од кои половина биле мажи, а половина жени.

Истражувачите ги прашале испитаниците за нивниот омилен пијалак, како и за местото каде што сакаат да го пијат.

Според истражувањата, луѓето кои повеќе сакале да пијат дома се потажни и попесимисти од оние кои излегуваат во кафулиња, барови и клубови. Истражувачите тврдат дека тие исто така се повеќе склони кон депресија и дека пиењето алкохол дома им помогнало да се справат со негативните чувства.

Учесниците кои се одлучиле за жестоки пијалаци и наздравиле надвор од дома се поотворени за забава и дружење со пријателите. Некои од испитаниците истакнале дека нема да можат сами да пијат дома.

Сепак, Џонасон и неговиот тим заклучија дека судењето за нечиј карактер врз основа на неговиот омилен пијалак не е доволно за вистински да запознаете некого.

Фото: unsplash