Лукашенко: Никој во Белорусија не почина од коронавирус, тоа се хронични случаи

Александар Лукашенко е на власт од 1994 година, извршувајќи авторитарна контрола врз Белорусија, во стил кој потсетува на ерата на Советскиот Сојуз.

Нацистичката окупација во 1941-1944 година ја уништи Белорусија: околу една четвртина од населението умре, вклучувајќи го и скоро целото еврејско население.

Како влијаеше коронавирусот во Белорусија?

Белоруските власти регистрирале 21.101 случаи на коронавирус, извршени повеќе од 240.000 тестови. Тие велат дека починало 121 лице.

Нема регионални информации и на новинарите не им е дозволено да интервјуираат медицински лица или да видат што се случува во болниците.

Продавниците, училиштата и јавниот транспорт продолжуваат да функционираат нормално. Но, Министерството за здравство издаде препораки Белорусите да се држат настрана од преполните места, да користат санитар за раце и да носат маски, особено ако спаѓаат во категории на ризик.

И самите Белоруси се свесни за опасностите. Некои компании го повикаа персоналот да работи од дома каде е можно. Некои универзитети и колеџи ги намалија бројот на студенти што патуваат во сообраќаен метеж или се префрлија на предавања преку Интернет.

Белорусија е можеби единствената европска земја што не го прекина своето фудбалско првенство, но посетеноста драстично опадна.

Делегација на Светската здравствена организација во посета во април изрази загриженост за недостаток на мерки за забавување на ширењето на коронавирусот. 

Претседателот смета дека нешто не е во ред со СЗО. Тој вели дека никој во неговата земја не починал од коронавирус туку дека умреле од хронични болести во овој период. На сите им направиле обдукција и се покажало дека немаат коронавирус. 

ЕУ и вети на Белорусија 60 милиони евра да помогнат во борбата против коронавирусот - но само под услов да ги исполни насоките на СЗО.