Македонецот кој го излажа целиот свет: За миг беше вест број еден на планетата

Македонскиот тенисер Дарко Грнчаров пред неколку години го привлече вниманието на врвните светски тенисери со трогателна приказна за враќањето на тенисот по тешко боледување и будење од кома. Toj за само неколку дена стана ѕвезда на социјалните мрежи. Успеа да ги привлече симпатиите на сестрите Вилијамс, Навратилова, Би-Би-Си и се доближи до спонзорските договори со „Адидас“ и „Вилсон“. Наместо да биде херој, тој сепак е униктен измамник.

За време на минатите американските избори, земјава беше позната како еден од центрите на лажни спектакуларни откритија за валканата деловна активност на Хилари Клинтон, кои масовно ги споделуваа и реагираа на нив на социјалните мрежи.

Таа „приказна“ беше всушност лажна вест за Дарко Грнчаров, наводен тенисер кој откако се разбудил од кома, се вратил во спортот и благодарение на социјалните мрежи го привлече вниманието на Мартина Навратилова, Венус и Серена Вилијамс, се избори за интервју за Би-Би-Си

Приказната за Грнчаров започнува во Струмица, како што пишуваат тамошните медиуми за успехот на тогаш 19-годишниот тенисер на јуниорскиот турнир во Амстердам, откако тој бил во кома одреден период.

Сепак, турнирот не беше во протоколите на Светската тениска федерација, ниту пак е забележано никаде дека воопшто се играл. Она што уште повеќе ги боде очите се наводните противници што Грнчаров ги победил.

Двајцата Белгијци, Ксандер Вајс и Јанс Климент, кои беа „поразени“ од Грнчаров, исто така не постојат во базата на податоци на Светската тениска федерација, ниту меѓу тенисерите кои повремено се појавуваат на помали турнири.

Дури и „изборот“ на противникот во полуфиналето, Данецот Бенџамин Ханестад од Универзитетот во државата Аризона, не се покажа како многу подобар, бидејќи во тоа време играше уште еден турнир во Флорида, а не во Амстердам.

Дарко потоа беше поканет на еден телевизиски канал во Струмица, бидејќи, според новинарот кој го интервјуирал, „Македонија копнее по таква сензација“.

Благодарение на зголемената популарност во Македонија, Грнчаров беше поканет на два официјални турнири - во Подгорица на јуниорска конкуренција, „каде го забележа единствениот официјален натпревар во кариерата“, кој го загуби со 6: 0, 6: 0.

Веднаш потоа го откажа учеството на егзибицискиот турнир во Египет.

Тоа не ги спречи медиумите да пишуваат за Дарко како победник на турнирот на кој тој дури и не се појави и остварените победи над играчите кои не играа на тој турнир.

Следната фаза во многу добро насочениот план на македонскиот тенисер беа социјалните мрежи.

Армија лажни профили на социјалните мрежи Твитер и Инстаграм ја споделија приказната за херојското враќање на македонскиот тенисер по будењето од кома.

Самиот тенисер за прв пат се огласи на Твитер, споделувајќи ја приказната за тоа како доживеал мозочен удар, како поминал шест месеци во кома и како, по будењето од кома, лекарите му рекле дека повеќе никогаш нема да може да игра тенис активно.

Сепак, тоа не успеа да го привлече вниманието што го очекуваше во светските медиуми, па се фрли во јавни коментари и критики на сметка на светските тениски ѕвезди.

Во неколку наврати, тој изрази воодушевување од Венус Вилијамс, се залагаше за нејзината сестра Серена, која стана негова следбеничка на социјалните мрежи, но ги нападна имињата како Маргарет Корт и Тенис Сандгрен за хомофобични ставови, а за возврат доби лавина со армија фалсификати, вистински обожаватели на социјалните мрежи, кои го величаа неговото име.

Дарко потоа стана поактивен на Твитер и Инстаграм, но сликите што ги објави од наводни тренинзи беа „позајмени“ од други млади и помалку познати тенисери, а видеата секогаш се снимаа од позади или од агол од кој не може да се утврди дека дали е тоа всушност Дарко Грнчаров.

Македонскиот тенисер го достигнува врвот на својата измислена кариера кога Мартина Навратилова и Серена Вилијамс споделија напис за неговото враќање на социјалните мрежи, а Би-Би-Си го покани на деветминутно интервју.

Во едно интервју, Грнчаров изјави дека доколку некогаш учествува во Австралија опен во својата кариера, тој ќе го бојкотира играњето на теренот „Маргарет Корт“ поради коментарите на истоимената легендарна тенисерка за геј популацијата во тенисот. Тој исто така ја искористи можноста и ги повика сите познати тенисери „да застанат покрај него и да зборуваат јавно на таа тема“.

Во друго „појавување“ во интервју за американските медиуми, во разговорот се осврна на споменатите турнири, противници и победи кои ги нема во записите, а времето што Македонецот го помина во кома не одговараше на неговата приказна, како и на фактот дека многу слики на неговиот Инстаграм профил беа лажни .

Грнчаров го напушти интервјуто, изјавувајќи дека новинарот е „многу груб и непрофесионален и нема право на тоа“, по што ги избриша своите сметки од социјалните мрежи.

Фактот дека, наместо ѕвезда во подем и херој и повратник од кома, тоа беше всушност измама, најдобро рангираните македонски тенисери исто така велат дека „никогаш не го виделе Дарко Грнчаров во живо или како игра“.

Во целата приказна беше вклучен и српскиот тенисер Виктор Троицки, кој требаше да биде спаринг партнер за Македонецот, на што Троицки изјави дека „не знае за кое момче станува збор, но дека приказната за враќањето на тенисот е многу убава“.

Потоа се‘ се разоткри, дека никогаш не ни постоел таков наш тенисер и дека сето тоа е фикција, измислена од опасни интернет мозочиња.