Македонија се разведува: Месец ноември критичен

Според ООН, земја со најголема стапка на развод во светот е Малдиви со 10,97 разводи на 1.000 жители годишно. По ова следат Белорусија со 4,63 и САД со 4,34.

Од друга страна, Либија е нација со најниска стапка на развод во светот со 0,24 разводи на 1000 двојки. Индија со помалку од 1% стапка на развод со принуда за девојките да бидат омажени.

Според Државниот завод на статистика кај нас, бројот на разводите во 2019 година бележи зголемување од 22.8 % во споредба со 2018 година и изнесува 1 990 разведени бракови. Во текот на 2019 година, најмалку бракови, односно 43 или 2.2 % се разведени во месец август , а најмногу, т.е. 244 или 12.3 % во месец ноември. Според траењето на бракот, најголемиот број разводи, односно 430 или 21.6 % се случиле од 5 до 9 години по склучувањето на бракот.

Бројот пак на склучените бракови во 2019 година, во споредба со претходната година, е зголемен за 2.4 % и изнесува 13 814 склучени бракови. Најмногу бракови, 1 747 или 12.6 %, се склучени во месец август, а најмалку во месец февруари, т.е. 809 или 5.9 %. Најчесто е стапувањето во прв брак со учество од 93.3 % за жените и 92.1 % за мажите. Во втор брак со учество од 7.4 % и трет брак со учество 0.6 %, во вкупниот број склучени бракови, почесто стапуваат мажите. Во 2019 година, најголем број бракови 4 563 или 33.0 % се склучени кај жените на возраст од 25 до 29 години. Според возраста, и кај мажите најголемиот број бракови, односно 5 159 или 37.3 %, се случени во истата старосна група од 25 до 29 години. Просечната возраст при склучувањето прв брак е 26.9 години за невестата и 29.7 години за младоженецот.

На Запад, оваа граница е 32.9 за жените и 34.9 за мажите, според ООН. Но, интересно е тоа што истите овие бројки ваќат и за границата за разводи. Само што се зеле, се развеле.