МАКЕДОНСКА ЕКСПЕДИЦИЈА ГО ОСВОИ ВРВОТ НА АФРИКА - шестмина планинари и велосипедисти од земјава се искачија на Килиманџаро
Вљубеници во природата, планинари, велосипедисти, авантуристи. Решија да го освојат врвот на Килиманџаро, а денеска им успеа да ја остварат оваа желба, нешто што долг период наназад го посакуваа.
„Ден 5 - Покривот на Африка. И тоа е тоа.
На ден 16.02.2021 год групата хајкери и бајкери тргнаа заедно од Horombo huts 3.700мнв, до Kibo huts 4.700мнв.
По пристигнувањето во Kibo huts, групата одлучи после одморот и вечерата, во 12 часот на полноќ, да се упати кон врвот Ухуру 5.895мнв.
Оваа одлука ја донесоа едногласно откако дознаа дека во наредните денови ќе има влошување на временските услови.
На ден 17.02.2021год во 05:50ч по локално време, сите шест учесници на оваа експедиција пристигна на покривот на Африка, со тоа што велосипедистите испишаа нова историја за македонискиот велосипедизам“, се вели на фејсбук статусот објавен од Explore The Mountains.
Качувачката екипа е составена од Филип Христов, Ирина Дишовска и Кире Начов.Велосипедската екипа, пак, е составена од Лазо Миновски, Никола Нешкоски, и Илија Деревеев.