Забава // Занимливости

Маж ја кремирал сопругата и ја нашол жива на 600 километри: Сите поставуваат само едно прашање

27 Јуни, 2024

Овој необичен случај покрена многу прашања и загриженост додека полицијата продолжува да ги истражува целосните околности на овој збунувачки настан.

Полицијата во Индија започна истрага откако маж го идентификуваше и кремираше телото за кое веруваше дека е неговата сопруга, која подоцна се појави жива. Овој бизарен случај на размена на идентитет се случил откако Рам Сумер (60) пријавил дека неговата сопруга Фулмати исчезнала.

Сумер пријавил дека Фулмати го напуштила својот дом на 15 јуни, но не се вратила, што предизвикало случај на исчезнато лице. Четири дена по пријавата, телото на жената било пронајдено во областа Урува чаршија во Бансгаон, Горахпур. Сумер бил повикан да го идентификува телото, а потоа потврдил дека тоа се посмртните останки на неговата сопруга.

По идентификацијата, мештаните ги извршиле последните обреди, вклучително и кремирањето, како што пренесува Deccan Herald. Сепак, обдукцијата покажа дека кремираната жена била задавена, што предизвика понатамошна полициска истрага.

Полицијата, мислејќи дека Фулмати починала, го следела нејзиниот мобилен телефон за да го пронајде убиецот. На нивно изненадување, откриле дека телефонот бил активен во Џанси, оддалечен околу 11 часа возење и 600 километри оддалечен. Фулмати редовно комунициралa со човек по име Шубам од Султанпур, кој подоцна потврдил дека Фулмати е живa и ја донел со себе во Џанси.

Началникот на полицијата Јитендра Кумар Томар за медиумите потврди дека Фулмати и нејзиниот сопруг повторно се споиле на 22 јуни и дека нејзината изјава е снимена. Истрагата е насочена и кон утврдување на врската меѓу Сумер, Фулмати, Шубам и неидентификуваната жена која била кремирана.

По објавувањето на веста, корисниците на Редит почнаа да ја коментираат ситуацијата. Еден корисник напиша: „Тогаш кого кремираше? Друг додаде: „Но, која беше вистинската жена што ја кремираше? Трет коментираше: „Се е планирано“.