МИСТЕРИОЗНА ЦРКВА НА КАРПА ВИСОКА 40 МЕТРИ: Во неа се моли САМО ЕДНО ЛИЦЕ - затвореник, а околу неа има костури

На врвот на карпата Катски стуб, која е висока 40 метри, во Грузија се наоѓа стара црква посветена на Максим Исповедник, христијански светец, а била направена како дом за пустиници.

Црквата била изградена во IX век и била напуштена шест века подоцна. Дури во 1944 година, првите луѓе влегле во неа по цели пет века.

Подетално истражување траеше од 1999 до 2009 година. По нив е утврдено дека црквата и малиот манастир на неа се изградени во IX век, а пронајдените записи во нив датираат од 13 век.

Комплексот бил напуштен во текот на 16 век и до 1944 година немало ниту еден човек на врвот на столбот Катски. Тогаш успеаја група планинари предводени од Александар Јапардизе и писателот Леван Готу.

Покрај урнатините го пронашле и скелетот на последниот жител. Последователните истражувања спроведени во 2006 година ја поткопаа идејата за екстремен подвижник бидејќи дури тогаш беше пронајдена винарска визба, која им беше достапна на тамошните монасите.

Инаку, комплексот зафаќа 150 метри квадратни, а се состои од урнатини на мала црква, крипта, три испоснички ќелии и винарска визба. Самата црква, која е недостапна за посетителите, се наоѓа на југоисточниот крај од скалите и е долга само 4,5 метри, а широка 3,5 метри.

Денеска на столбот Катски живее само еден човек - преобратениот поранешен затвореник Максим Кватарадзе, кој избра да живее во самотија и молитва. Тој се всели во урнатините на црквата на врвот од скалите во 1993 година и оттогаш не се симнал, а сега има 61 година. Првите две години спиел во стар фрижидер за да се заштити од ветер, дожд и снег.

извор:beograd.in