Му нашла девојка на сопругот која изгледа како неа да си го спаси бракот: „Што и да посака, тоа ќе му го дадам“
Техмеена Кинтана била скршена кога нејзиниот сопруг Брајант ја изневерувал по помалку од три години од нивниот брак, и сфатила дека отворениот брак може да биде решение.
Некои луѓе смислуваат бизарни решенија за да го спасат својот брак, а тоа го направила една Американка од Њујорк. Имено, заљубената сопруга Техмеена Кинтана решила да најде двојничка и да ја донесе кај сопругот за да не им се распадне бракот. Таа тврди дека тоа го направила за нејзиниот сопруг да не бара друга и вели дека сега се посреќни од кога било досега.
Не сакала нејзиниот сопруг да ја изневерува
Техмеена Кинтана била скршена кога нејзиниот сопруг Брајант Квинтана ја изневерувал по помалку од три години од нивниот брак и мислела дека отворениот брак може да биде решение.
- Порано Брајант воопшто не беше верен. И јас верувам дека ако си со маж, треба да направиш се што е потребно за врската да функционира. Го посакувам до крајот на мојот живот. Што сака, што го прави среќен, ќе му дадам - вели Техмеена.
Така, нејзиното решение било да се сврти кон социјалните мрежи за да најде своја двојничка за да им се придружи на неа и Брајант во полигамна врска.
- Се чувствував несигурно кога баравме друга девојка. Но знаев дека тоа ќе го задржи вниманието на Брајант врз мене. Барав девојка која личи на мене бидејќи тоа му се допаѓа на Брајант - вели сопругата.
Техмеена на крајот ја пронашла австралиската манекенка Кира Џонсон, која изгледала како нејзина двојничка. Кира била воодушевена од идејата да се придружи на парот и набрзо дошла во Њујорк за да ги запознае Техмеена и Брајант.
Необичната заедница им донела нов живот во врската
Кира открива дека нивната врска е изградена на силно пријателство. Таа неофицијално се омажила, а сега ова тричлено семејство дели буквално се.
Кира исто така признава дека и се допаѓа што личи на Техмеена .
- Кога излегуваме во јавност, секогаш не прашуваат дали сме сестри или близначки - вели таа. И двете дури почнале да носат иста облека за да ги истакнат нивните чудни сличности.
Што се однесува до сопругот, Брајант вели дека сега е целосно задоволен од нивната заедница и повеќе нема да бара вонбрачни врски, пишува Bright Side.
Фото: инстаграм
