НАЈГОЛЕМАТА МИСТЕРИЈА НА КОРОНАВИРУСОТ: Фактор кој пресудува- живот или смрт!
Научниците се на добар пат да решат една од најголемите мистерии што го придружува коронавирусот - зошто некои луѓе минуваат само со поблаги симптоми, додека други се борат за нивните животи.
Студиите направени на пациенти со корона покажаа дека нашиот имунолошки систем различно реагира на оваа болест од вообичаеното.
Се покажа дека имунолошкиот систем на некои пациенти реагира прилично невообичаено, така што кога одредени молекули и клетки не можат да се борат со вирусот, телото ги вклучува сите одбранбени механизми кои му се на располагање. И таа неконтролирана реакција може да ги оштети здравите ткива, пишува Њујорк Тајмс.
„Видовме неколку чудни работи во различни фази на инфекција“, рече Акико Ивасаки, имунолог од универзитетот Јеил и автор на неодамнешна студија.
Имунолошкиот систем реагира на другите вообичаени вируси, како што е грипот, со тоа што директно го пронашле натрапникот и го напаѓаат, со што купуваат време за телото правилно да реагира. Овој прв одговор зависи од молекулите наречени цитокини, кои се формираат како одговор на вирус.
Овие микро-аларми им даваат начин на антитела и Т-клетки кои се насочени кон вирусот и клетките што ги нападнал.
Како и да е, овој метод се чини дека паѓа во вода кај лицата со ковид- 19.
Имено, цитокините во некои случаи не престануваат, по првото предупредување, да го алармираат организмот, дури и кога антителата и Т-клетките ја преземаат својата улога.
Ова значи дека првичната реакција, т.е. воспалението поради инфекција не престанува дури и кога веќе не е потребно.
„Нормално е воспалението да се појави со вирусна инфекција. Но, проблемот е кога не можете да го контролирате “, вели Кетрин Блис, виролог од универзитетот Стенфорд.
ВИРУСОТ ГО ЗБУНИВА ИМУНОЛОШКИОТ СИСТЕМ
И можеби заради таквата необична реакција кај некои пациенти, болеста трае подолго бидејќи вирусот е во состојба да го измами нашиот имунолошки одговор.
Поради тој аларм, кој не запира, нашето тело реагира посилно и истовремено се напаѓа себе си.
„Тоа е енигма. Имате силен одговор на имунолошкиот систем и вирусот сè уште се размножува “, вели Авер Август, имунолог од универзитетот Корнел.
