„Најголемата операција во историјата на Норвешка“: Решени да разрешат мистерија од 1947г. - „Снимивме чуден предмет на дното на езерото, ајде да одиме надолу“

„Долг е 14 метри и широк три метри. Првите снимки од сонар изгледаат ветувачки“, беше речено.

Норвешките истражувачи започнаа потрага по „мистериозно летало“ за кое се верува дека паднало во замрзнато езеро пред 77 години.

Инцидентот наводно се случил пред жителите на блиското село Ророс и оттогаш е предмет на интриги.

Легендата вели дека во 1947 година „чуден објект паднал во езерото“, а приказната се пренесува од генерација на генерација. Наводно изгледало како ракета и направила голема врева.

Во текот на децениите, имало неколку истраги, но споменатиот „авион“ никогаш не бил пронајден, пренесува The Sun.

Сега е лансирана нова експедиција, бидејќи истражувачите веруваат дека го лоцирале објектот користејќи сонар.

„Долг е 14 метри и широк три метри. Се наоѓа на дното на езерото. Првите снимки од сонар изгледаат ветувачки“, велат тие.

На лице место се снима документарен филм, а уфологот Арнулф Локен истакнува дека ова е една од „најголемите операции во историјата на Норвешка“.

Освен сонар и друга опрема, на видеото се гледаат нуркачи кои се подготвуваат да нурнат во леденото езеро за да откријат повеќе детали.

(Telegraf.rs)