Најстрашните пет секти ширум светот: Сите кријат морничава вистина

Сигурно сте слушнале за некоја секта или приказна за тоа како некој не успеал да излезе од канџите на овие „организации“. Би можеле да наведеме многу причини зошто сектите се навистина опасни, како и објаснување зошто овие скриени групи се штетни за многу општества ширум светот.

Првично, една секта беше неутрален израз за малцинска група што би влегла во судир со мнозинството. Овој термин најчесто се користел во античките филозофски кругови, опишувајќи помали филозофски групи. Во средниот век, терминот секта опишува еретички групи кои се одделувале од мнозинската црква. Во модерното време, сектите обично се сфаќаат како затворени религиозни групи, односно култови.

Што е тоа секта?

Најчесто, секта се формира наспроти основната група од која потекнува, развивајќи учење кое според членовите на сектата е поправилно во однос на учењето на основната група. Карактеристично е за сите членови на сектата да имаат солидна организација и уникатни задолжителни ритуали. Во голем број монотеистички религии, секое отстапување од прокламираните догми е прогласено за секта.

Сепак, сигурно сте чуле за некои секти безброј пати, но овој пат нема да зборуваме за нив, туку за оние секти кои се најмалку познати. Водачите на овие секти беа толку успешни во манипулациите што нивните следбеници со години се согласија на невидена тортура, но исто така беа сведоци на брутални убиства.

Иако тие се претставувале како богови, јасно е дека осакатувањата, заковајќи деца на дрвја, силувања и ритуални убиства можеле да смислат само чудовишта. Сепак, нивната манипулативна моќ била толку голема што нивните следбеници навистина виделе богови во нив.

1. „Деца од Ент Хил“

Помеѓу 1977 и 1989 година, Рос Мозес Терио ја водеше сектата Ент Хил Кидс во Онтарио, Канада, остварувајќи апсолутна контрола врз голем број возрасни и 26 деца, од кои повеќето ги стекна од врските со неговите девет конкубини.

Пред да бидат исфрлени од адвентистите на седмиот ден, Терио собра заинтересирани за семинари за детоксикација, претежно луѓе кои сакаа да престанат да пушат или да пијат.

Убедил дури неколкумина да ги напуштат своите работни места, но и семејствата и да започнат да живеат со него во дивината. Тие собирале пари главно со продажба на колачи, а оние што не донеле доволно пари биле казнети повеќе пати.

Терио стана успешен садистички водач на сектата кој бараше апсолутна лојалност и казнување на „неверниците“.

Неговите казни беа навистина сурови. Ако некој сакал да ја напушти сектата, Терио го казнувал со ремен или чекан, го качувал да виси на таванот, му вадил влакно по влакно од телото, па дури и извршил нужда на „непослушниот“. Дел од казната била да се натераат следбениците да ги кршат своите нозе со чекан, да си пукаат во рамото, како и да јадат мртви глувци.

Понекогаш требаше да си ги исечат прстите со жици за да докажат лојалност. Дури и децата не беа поштедени. Не само што често биле сексуално злоставувани, децата честопати биле држени над оган...

Терио дури беше одговорен и за смртта на сопственото дете затоа што го оставил надвор за време на снежната бура. Никогаш не дозволувал никој од неговите следбеници да оди на лекар, наместо тоа, тој често правел операции самостојно без анестезија. Убил една жена изигрувајќи хирург, а едно дете починало при неуспешно обрежување.

Во 1989 година само Габиел Лавели, по повеќе масакри, успеа да избега и да ги информира властите за сè. Терио беше осуден на доживотен затвор, но во 2011 година беше убиен од неговиот затворски цимер.

Многу од неговите следбеници никогаш не се опоравиле од злоупотребата што им ја нанел или продолжиле да се држат до неговите учења.

2. „Каши Ашрам“

Во 1970-тите, една домаќинка од Њујорк наводно имала визија за Исус и двајца хинду духовни водачи, а потоа си дала ново име и основала нова религија.

Нејзината духовна група се прослави во деведесеттите и се прошири меѓу познатите филмски sвезди, како што е Џулија Робертс.

Религијата ветуваше љубезност и сочувство, но поранешните членови ја обвинија Ма Џаи дека се самопрогласила за божество, предупредувајќи ги членовите „дека гуруто е поголем од Бог“.

За време на истрагата, десетици следбеници на Ма ја обвинија и за психолошко злоставување, преземање контрола над нив, киднапирање и сексуален напад. Ова вклучувало и тепања, кои таа ги извршувала лично, и честопати им наредувала на другите да го сторат тоа. Според членовите на сектата, таа казнила едно момче со наредба да го претепаат, а потоа му го обоила пенисот во црно и го натерала да дефилира меѓу другите собрани членови.

Ма била опседната со деца, што најверојатно било резултат на неколку абортуси што ги имала во нејзиниот втор брак. Така, многу нејзини следбеници мораа да добијат дозвола од неа да имаат деца, а некои беа принудени да и ги предадат своите бебиња на „обука“. Најмалку четири мајки ги наведоа Ма или нејзиниот сопруг како биолошки родители во книгите за крштевање на бебето помеѓу 1978 и 1982 година.

Најлошо, сепак, било кога Ма  ја принудила својата 14-годишна ќерка да се омажи за возрасен член на сектата, наредувајќи и ’да има сексуални односи со него. Потоа редовно проверувала дали е бремена.

Иако Ма почина во 2012 година, нејзиното „учење“ не умре, па „Каши Ашрам“ и денес функционира.

3. Секта од реката Фол во Масачусетс

Кога масакрираното тело на 17-годишната проститутка Дорин Левеск беше пронајдено пред средно училиште во Масачусетс, полицијата првично сметаше дека тоа е дело на еден од нејзините клиенти. Зглобовите и биле врзани со најлон за риболов, а на нејзиното тело имало јасни траги од страшно тепање и тортура.

Сепак, една година подоцна, на импровизиран олтар беше пронајдено друго тело на проститутка. После тоа, проститутката Карен Марсден реши да проговори со страв за својот живот и за тие убиства ги обвини макрото Карл Дру и проститутката Раби Марфи, инаку негова девојка.

Таа тогаш рече дека Дру, кој се нарекуваше „син на сатаната“, и Марфи биле членови на круг на проститутки кои му се поклонуваат на ѓаволот и дека во длабочините на шумата вршат ритуали што вклучувале и принесување жртви на луѓе. Таа ја однела полицијата во мочурливиот дел од шумата каде што се одржувале ритуалите, а полицијата таму пронашла многу докази, како што се крвави траги, пентаграми и слично.

Таа најмногу се плашеше дека ќе биде следната жртва поради соработката со полицијата. Само шест месеци подоцна беа пронајдени нејзините остатоци, односно само черепот, без заби. Парчиња од нејзиниот накит и прамени коса биле пронајдени на километар и половина во областа низ која била влечена, но телото никогаш не било пронајдено.

Дру беше уапсен во април 1989 година за убиството на Карен Марсден, додека друг човек Ендру Малтез беше обвинет во врска со второто убиство на оваа секта. Марфи се изјасни за виновен за убиство од втор степен и доби намалена казна за сведочење против други.

Сепак, многумина веруваат дека Марфи, кој бил познат како макро, и жестоко поврзан со окултизмот, бил всушност вистинскиот мозок на ритуалното убиство.

4. „Супериорно порамнување на универзумот“

Валентина де Андраде беше водач на сектата „Супериорно порамнување на универзумот“ во 80-тите години на минатиот век, која веруваше во НЛО и работеше во оддалечените делови на Бразил. Таа тврдеше дека добила пораки од вселената дека Бог не постои, односно дека Исус е вонземјанин кој ќе дојде со вселенски брод за да ги спаси вистинските верници кога ќе дојде време.

Сепак, нејзиното пророштво беше придружено со страшно предупредување: сите момчиња родени по 1981 година се опседнати од зло и мора да бидат прочистени.

Отпрвин, Валентина едноставно побара некои родители да им ги предадат своите деца на други парови, баби и дедовци или старатели, за да можат без пречки да се качат на вселенскиот брод. Сепак, дури и тоа не и беше доволно, па стана далеку поагресивна.

Помеѓу 1989 и 1993 година, членовите на сектата сексуално злоставувале, осакатувале или дури убивале најмалку 19 момчиња на возраст од осум до 13 години. За шестмина се знае дека починале, петмина никогаш не биле пронајдени, додека другите успеале да избегаат, иако биле дрогирани и осакатени (вклучително и кастрации).

На бразилската полиција и беа потребни 11 години да собере доволно докази за да ја донесе Валентина на суд заедно со уште четворица други мажи од оваа секта, многу респектабилни членови на општеството во регионот Амазон. И додека сите беа осудени на децении затвор за убиството на момчето, Валентина беше ослободена од сите обвиненија затоа што не била присутна за време на злосторството. Неверојатно е што нејзината секта е активна и денес на Интернет.

5. Маркус Весон: Кралот вампир

Кога Маркус Весон (57) излегол од својата куќа целиот крвав во 2004 година, на полицијата ѝ било јасно дека се случило нешто страшно. Во задниот дел на неговата куќа лежеле ковчези со телата на неговите девет деца и внуци. Со децении Весон го воспитувал и контролирал семејството на инцест на неговите следбеници, кои претрпеле злоупотреба.

Неговото „учење“ беше комбинација на христијанството и вампиризмот. Тој проповедал дека Исус е всушност вампир и дека ќе биде со нив во часот на судот, кога полицијата ќе им тропне на вратата.

Весон ги држел синовите одделени од неговите ќерки и ги забранил нивните дружења од страв да не развијат сексуални желби едни за други. Ова го сторил пред се‘ затоа што се сметал себе си за бог, и сите ќерки - неговите идни невести.

Почна да се жени со своите ќерки во 1974 година. Сексуално ги злоупотребувал како девојчиња и ги присилувал да раѓаат повеќе деца. Се верува дека бил татко на 18 деца што ги имал со седум „жени“, а пет од нив во тоа време биле девојчиња.

Кога објави дека планира да ги пресели своите ќерки и нивните деца во Вашингтон, во неговиот комплекс се појавија неколку членови на неговото пошироко семејство (вклучително и две сестри кои се побунија против него) и побараа децата да бидат ослободени. Полицијата доби повик и се сметаше дека ова е вообичаена борба за притвор.

Сепак, случајот го доби најтемниот исход. Весон е обвинет за девет убиства и неколку случаи на силување и напад. 

Фото. Profimedia, wikipedia

Извор. 24 sedam