Најубавата статуа на Исус Христос е под вода: Еве како стигнала таму, снимката е нереална! ВИДЕО

Бронзената статуа на дното на морето во заливот Сан Фрутуозо, сместена помеѓу Џенова и Портофино, во близина на морскиот парк, е една од најпознатите атракции на лигурскиот брег. Статуата е наречена и „Христос од длабочините“.

Статуата на Исус Христос стои на пиедестал, со раширени раце и поглед кон површината на водата, што симболизира помирување, надеж и врска помеѓу човекот и морето.

Идејата за статуата потекнува од нуркачот Дуилио Марканте. Таа е подигната во чест на Дарио Гонзати, пријател на Дуилио Марканте и пионер во нуркањето, кој починал.

Проектот го реализирал скулпторот Гвидо Галети, а материјалот од кој е направена статуата е посебен - бронза добиена со топење стари бродски ѕвона, делови од подморници и други донирани материјали.

Статуата висока два и пол метри е поставена на морското дно на заливот уште во 1954 година, на јужната страна на Портофино. Ова е едно од најпознатите места за нуркање во целата област. Статуата не е на голема длабочина, поради што ја посетуваат нуркачи, љубители на длабочината и љубопитни пливачи.