Највисоката жена во Бразил покажа дека љубовта нема висина - вака изгледа нејзиниот брак со маж кој не е ни до нејзината брада - ВИДЕО-
Љубовта не бира висина - доказ за тоа се Бразилката Елизане да Круз Силва и нејзиниот сопруг Франсиналдо да Силва Карваљо...
Таа е висока 206 см, додека тој е висок само 163 см, а нивната врска со години ја интригира јавноста. Елизане е родена со состојба наречена гигантизам, предизвикана од тумор на хипофизата кој произведува вишок хормон за раст. Иако нејзината мајка е висока само 163 см, а нејзиниот татко е висок 170 см, Елизане продолжила да расте сè додека не станала највисоката жена во Бразил.
Се запознале на работа во градот Салинополис и веќе две години подоцна решиле да се венчаат. „Да, се заљубив. И таа! Таа е прекрасна личност. Висока, но убава, со убаво лице“, рече Франсиналдо.
Двојката поминала низ тежок период по спонтаниот абортус, но подоцна добила дете. „Многумина остануваат заедно поради децата. Заедно сме затоа што се сакаме и семејството што го градиме“, истакнува Елизане.
Сепак, животот не им беше лесен - коментарите и осудите од околината ги следеа на секој чекор. „Кога излегуваме, гледаме луѓе како се кикотат и се смешкаат. Дури и кога не кажуваат ништо, може да се види дека нè осудуваат. На почетокот многу страдав и паднав во депресија. Денес веќе не обрнувам внимание“, вели таа.
На социјалните мрежи, каде што редовно објавуваат заеднички слики, луѓето ги поддржуваат: „Јас сум девојка висока 186 см, а моето момче е високо 170 см. Луѓето нè гледаат чудно, но не ни е гајле - се сакаме.“
„Таа е прекрасна жена. Луѓето можат да бидат ужасно груби и глупави. Но, може да се види дека навистина се сакаат, и тоа е сè што е важно.“
Иако разликата во висина ги прави необичен пар, нивната приказна покажува дека љубовта и меѓусебното почитување носат многу поголема тежина од кој било сантиметар.
