Нарачал убиство на поранешната сопруга, за да не плаќа алиментација: За грозниот чин го најмил сопствениот брат
Нарачал убиство на поранешната сопруга, за да не плаќа алиментација: За грозниот чин го најмил сопствениот брат
Неверојатно!
Џејсон Стар од Алабама е обвинет дека го наредил убиството на неговата поранешна сопруга, мајка на нивните четири деца, а на овој одвратен чекор се одлучил затоа што не сакал да ѝ плаќа алиментација од 2.550 долари месечно по разводот.
Џејсон наводно му платил на својот брат Дарин Стар „кеш и мотор“ за да ја убие Сара Стар во ноември 2017 година пред нивната куќа во Каунти Кафе.
Џејсон Стар беше уапсен на 7 декември минатата година во голема операција на ФБИ за наводно нарачување на убиството, додека неговиот брат Дарин беше само јавно идентификуван како второсомничен оваа недела.
ФБИ во соопштение за печатот соопшти дека на 2 декември бил издаден федерален налог за Дарин Стар (53), но осомничениот е во бегство два месеци.
Тој беше ставен на листата на најбарани на ФБИ, а беше понудена награда до 20.000 долари за информации што ќе доведат до негово апсење.
Г-ѓа Сара Стар беше убиена на пат кон работа на 27 ноември 2017 година, а работеше како наставничка во локално основно училиште.
Колегите од училиштето алармирале кога таа не се појавила на работа, а нејзиното тело подоцна било пронајдено недалеку од нејзината куќа.
Нејзиниот сопруг беше главен осомничен од самиот почеток бидејќи нивната парница за развод беше премногу тешка.
Меѓутоа, тој имал алиби дека во моментот на убиството ручал во ресторан, што го потврдиле и очевидци.
При апсењето тој се изјасни за невин по обвиненијата за нарачано убиство, и е во домашен притвор додека го чека судењето.
Фото: unsplash
