Научниците ги шират рацете во немоќ: На овој светец со векови му растат коса и нокти

Свети Спиридон Тримитски и неговите чуда - заштитник на занаетчиите и островот Крф

Моштите на Свети Спиридон како што велат имаат уникатни својства:

Не само што се нераспадливи низ вековите, туку ја зачувале еластичноста и мекоста својствени на обичното, живо човечко тело.

Косата и ноктите му растат, а облеката и обувките му се менуваат на секои шест месеци бидејќи се трошат во тие шест месеци.

Неговото нераспадливо тело има постојана температура од 36,6 степени и овој феномен се обиделе да го истражат научниците ширум светот.

Збунето ги рашириле рацете и немале друго објаснување освен чудо.

Островот Кипар е родното место и местото на служба на овој познат светец. Роден од едноставни родители, земјоделци, и тој ќе остане едноставен и скромен до својата смрт. Се оженил на млада возраст и имал деца.

Кога неговата сопруга умира, тој се посветува на службата на Бога. Поради неговата посебна побожност, тој ќе биде избран за епископ во градот Тримифунто. Но и како епископ не го променил својот едноставен начин на живот, лично напорно работејќи со стоката и обработувајќи ја земјата. Тој користел многу малку од плодовите на својот труд за себе, а поголем дел им поделил на сиромашните луѓе. Со силата Божја, тој направи големи чуда: го поттикнал дождот во суво време, го запрел течението на реката, воскреснал неколку мртви, го излекувал царот Констан од тешка болест, ги видел и слушнал ангелите Божји, видел во идни настани и во тајните на човечкото срце, мнозина ги претворил во вистинската вера итн. Учествувал на Првиот вселенски собор во Никеја и со своето едноставно, но јасно исповедање на верата, како и моќните чуда, вратил во православието многу еретици. Тој бил толку едноставно облечен, што кога сакал да влезе во царскиот двор на покана на царот, еден војник, мислејќи дека е просјак, му удрил шлаканица. Кроткиот и невин Спиридон го свртел другиот образ кон него.

Откако Го прославил Бога со многу чуда и им користеше на многу поединци, како и на целата Божја Црква, тој се упокои во Господа во 348 година. Неговите чудотворни мошти сега се наоѓаат на островот Крф.