Не гледате волк, а не е ни лисица: Уникатен животински вид за кој сè уште не сме ни дознале, веќе е на работ да преживее

Ова необично животно по својот изглед наликува и на лисица и на волк, а ги збунува и научниците; и како чудноста да не е доволна, мирисот на урината на овој вид е сличен на мирисот на марихуана.

Со големите уши и несразмерно долгите нозе, волкот со грива од семејството на кучиња е уникатно животно кое талка по рамнините на Бразил и Аргентина. Колку е необично ова животно покажува и фактот што и покрај името што го носи, ги збунува научниците кои тврдат дека овој вид не е ниту лисица ниту волк, иако е сличен на нив.

Научното име на ова животно - Chrisocion brachiurus - сугерира дека станува збор за целосно одвоено животно кое не припаѓа на ниту едно познато семејство на животинскиот свет. Сепак, ова не е најголемата грижа на научниците. Постоењето на овој вид е загрозено од човековите активности.

Сè за неверојатниот волк со грива

Телото на волкот со грива е покриено со густо црвено крзно, додека долгите нозе и гривата се црни. На врвот на главата има големи уши, слични на оние на лисицата. Долу по вратот се спушта гривата, која е карактеристична за ова животно и на која ѝ го должи своето име. Истражувачите од Смитсонијан наведуваат дека тежината на волкот со грива може да достигне неверојатни 130 килограми, додека расте околу 90 сантиметри во висина.

Овој сештојад претежно води ноќен живот во средини слични на савана, а интересно е што научниците открија дека урината на волкот со грива мириса слично на марихуана. Некогаш беше широко распространет во земји како Аргентина и Уругвај, но брзиот развој и урбанизацијата го доведоа до исчезнување. Волкот со грива е принуден да мигрира на северните пространства на јужноамериканскиот континент.

Според научниците, Chrisocion brachiurus е осамен ловец кој претпочита да се храни сам наместо во глутница. И иако е сештојад, претпочита сезонско овошје и зеленчук, како и помали птици и инсекти. Нема многу природни непријатели, туку домашни кучиња и пуми.

Малку се знае за нивниот метод на парење, но она што со сигурност може да се каже е дека тие се моногамен вид, кој штом ќе избере еден партнер останува со него доживотно.

Човекот како најголем непријател

Покрај тоа што човекот со урбанизација ги уништува неговите живеалишта и влијае на намалување на бројот на овој необичен вид - волкот со грива се соочува и со заразни болести, кои најчесто имаат смртен исход.

Списокот на негативни влијанија на луѓето врз нивниот опстанок не завршува тука. Меѓу заканите има и автомобили, кои често ги прегазуваат и ги убиваат. Исто така, локалното население често организира лов на цели глутници бидејќи верува дека ги убиваат нивните кокошки.

Во Бразил, исто така е забележана практика на користење делови од телото на волци со грива за медицински цели - иако никогаш не е потврдено дека тие се ефикасни во лекувањето. Покрај тоа, се лови и за неговите очи, за кои некои Бразилци веруваат дека се талисмани и носат среќа.

Иако животното не е прогласено за исчезнато, научниците и еколозите се свесни дека неговото постоење е загрозено, па преземаат чекори за да го обезбедат неговиот опстанок.

Напори да се спаси волкот со грива

Chrisocion brachiurus е официјално наведен од ESA како загрозен и IUCN како ранлив. Сепак, нивната популација со години постојано се намалува, а експертите веруваат дека наскоро ќе биде преместена во категоријата „загрозени“ на списоците.

За потребите на зачувување, професионалците се фокусираа на природните живеалишта на овој вид, па во Бразил, Уругвај и Аргентина беа донесени закони кои забрануваат лов на волк со грива, а некои зоолошки градини им помогнаа на критичните популации да преживеат и да напредуваат во заштитена средина.

Фото и Видео: Youtube

Извор: nationalgeographic.rs