„Не се каам, една година чекав да ги убијам“: Застрашувачко признание на најпознатиот затвореник- издржува казна за тројно убиство

Тие се дрвосечачи, необразовани. Знаете кога ќе влезат во вашиот ресторан со литар во рака и рударки на нозе...

Хаџија е еден од најпознатите затвореници во Босна и Херцеговина, а неговата приказна е неверојатна. Поради злосторството никогаш не се покаја!

Фикрет Хаџиќ, познат како Хаџија, издржува казна од 24 години за тројно убиство, а како што вели „не жали што ги убил оние што го претепале и избоделе“.

Фикрет Хаџиќ, познат како Хаџија од Лукавац, се вели дека е еден од најпознатите затвореници во Босна и Херцеговина. Моментално се наоѓа во Казнено-поправниот дом во Тузла каде издржува казна за тројно убиство. Никогаш пред тоа не бил осуден. Ниту еден прекршок. Тој е осуден на 24 години затвор, од кои 18 години одлежал во КПУ Зеница.

Неговата приказна започнува во 1997 година, кога доаѓа во конфликт со четири локални момчиња, од кои три браќа. Тој тогаш бил сопственик на ресторан во Лукавац кој често го посетувале тројца браќа кои, како што вели, предизвикувале други гости да го напуштат објектот.„Тие се дрвосечачи, необразовани. Знаете кога ќе влезат во вашиот ресторан со литар во рака и рударки на нозете. Кога ќе се појават, другите покултурни гости веднаш излегуваат надвор“, рече Хаџија.

Кога во еден момент видел дека повеќе не може нормално да го води бизнисот, решил да го продаде ресторанот. Го продал во 1997 година со желба да се посвети на нешто друго. Тој вели дека никогаш дотогаш не бил во судир со законот. Се', како што вели, се сменило во 2001 година, кога, како што вели, на улица бил претепан и избоден со нож од самите луѓе заради кои го продал ресторанот.

„Истите луѓе кои дојдоа во мојот ресторан и ми го уништија бизнисот без причина, ме претепаа на улица, ме избодеа со нож и ме клоцаа како вреќа. Едвај преживеав. Полицијата во тој момент дојде и ме спаси, се слушна ротационо светло и побегнаа. Верував дека судството ќе ги казни за тоа што ми го направија, а тоа беше обид за убиство. Сите добија кривични пријави, но никој од нив не одговараше пред законот. - вели Хаџиќ. Тој вели дека повредите што му ги нанеле не болеле колку тоа што никој од насилниците не одговарал.

„Кога сфатив дека нема казна за нив, напишав писмо до Врховниот суд во кое барав да бидат казнети барем со по 10 марки за тоа што ми го направија. Пишав - или ќе ги казнат по 10 марки или ќе ги убијам. Изгледаше дека моите писма не беа сфатени сериозно“, се сеќава Хаџија, кој чекал една година за моментот да им се одмазди на напаѓачите.

Беше први мај 2002 година. Хаџиќ видел дека сите четворица се собрале во блиската продавница.

„Погледнав низ двогледот и ги видов сите собрани во продавница. Четворицата кои ме тепаа мене и уште 17 други луѓе. Го облеков палтото, ставив пушка во ракавот со скратена гума и цевка и тргнав кон нив. Прво ги ранив да не можат да избегаат. Додуша четвртиот избега, само мил Господ го спаси, инаку и него ќе го убиев. Викаа - не Хаџи нема пак да те допираме. Им велам - Па нема! Ќе ве убијам. Животот ми го уништивте“, рекол Хаџија.

Прво Хаџиќ по судскиот процес незаконски беше осуден на 21 година затвор за тројно убиство, а потоа судијата поради тоа писмо додаде уште три години на казната. Вели, ќе лажев ако кажев дека се извинувам и ми е жал.

„Свесно планирав да се одмаздам. Чекав една година да ги убијам, а сега не жалам. И на обвинителот му кажав дека тоа е одмазда“, изјави тогаш Хаџиќ.