Нема крај: Неколку лица се повредени во земјотресот со јачина од 5,5 степени во турската провинција Адана
Неколку лица се повредени во земјотресот со јачина од 5,5 степени според Рихтеровата скала што утрово ја потресе јужната турска провинција Адана, јави државната телевизија „ТРТ-Хабер“.
Претставникот на локалната власт во градот Џејхан, округот Адана, рече дека неколку луѓе се повредени откако скокнале од тераси или прозорци како резултат на паниката предизвикана од земјотресот. Има и материјална штета, има пукнатини на некои објекти.
<blockquote class="twitter-tweet"><p lang="tr" dir="ltr" Adana'da meydana gelen 5.5 büyüklüğündeki deprem sonrası kırsal alanda toz bulutu oluştu<a href="https://twitter.com/hashtag/deprem?src=hash&ref_src=twsrc%5Etfw">#deprem</a> oldu <a href="https://twitter.com/hashtag/Kayseri?src=hash&ref_src=twsrc%5Etfw">#Kayseri</a> <a href="https://twitter.com/hashtag/Earthquake?src=hash&ref_src=twsrc%5Etfw">#Earthquake</a> <a href="https://twitter.com/hashtag/Kahramanmara%C5%9F?src=hash&ref_src=twsrc%5Etfw">#Kahramanmaraş</a> <a href="https://twitter.com/hashtag/Turkey?src=hash&ref_src=twsrc%5Etfw">#Turkey</a> <a href="https://t.co/XvZqUucgiZ">pic.twitter.com/XvZqUucgiZ</a></p>— Eren (@Eren50855570) <a href="https://twitter.com/Eren50855570/status/1683718735377448960?ref_src=twsrc%5Etfw">July 25, 2023</a></blockquote> <script async src="https://platform.twitter.com/widgets.js" charset="utf-8"></script>
Земјотрес со јачина од 5,5 степени е регистриран утрово во јужната турска провинција Адана, која беше тешко погодена од разорните земјотреси на 6 февруари годинава, соопшти Дирекцијата за управување со катастрофи и вонредни состојби. Епицентарот на земјотресот бил во градот Козан. Земјотресот се случил утрово во 8 часот и 44 минути, а неговата длабочина била 11,27 километри. Почувствуван е и во соседните провинции, вклучително и во Кахраманмарас (епицентарот на земјотресите од 6 февруари), Османије и Газиантеп, кои беа тешко погодени од земјотресите со јачина од 7,6 и 7,7 степени по Рихтер на 6 февруари.
Во рок од 15 минути беа забележани неколку последователни потреси со јачина меѓу 3 и 3,2 степени.
Сеизмологот проф. д-р Шукру Ерсој изјави за Си-Ен-Ен-Турција дека денешниот земјотрес се очекува да предизвика дополнителни штети на зградите веќе оштетени од земјотресите на 6 февруари.
Адана беше меѓу областите најтешко погодени од февруарските потреси. Во градот Адана се урнаа повеќе од 10 станбени блокови, а стотици луѓе загинаа.
