Забава // Занимливости

НЕВЕРОЈАТНА СУДБИНА: Приказната за свештеникот од Титаник кој одбил да се спаси додека другите умирале (ФОТО)

16 Февруари, 2023

Томас Билс бил свештеник осум години пред да тргне на последното патување по Титаник.

Тој добил покана за свадбата на неговиот помлад брат Вилијам од Њујорк, кој сакал Томас да биде тој што ќе ја изврши церемонијата. Поради ова, свештеникот ја напуштил својата парохија и се качил на Титаник.

Отец Томас купил билет и станал еден од патниците на Титаник кога овој брод тргнал на судбоносното патување на 10 април 1912 година.

На последното утро од патувањето, на 14 април, Томас ги исполни желбите на некои патници во бродот и служеше миса за патниците од втора и трета класа.

Откако Титаник, нешто пред полноќ, удрил во санта мраз и почнал да тоне, отец Томас почувствувал дека е негова должност да им помогне на исплашените патници - духовно, но и физички.

Два пати одбил да се качи на чамецот

Преживеаните од бродот подоцна сведочеа дека свештеникот двапати одбил да се качи на чамецот за спасување. Наместо тоа, тој им помогна на патниците од трета класа да стигнат до повисоките нивоа, пишува istoriskizabavnik.rs.

Father Thomas Byles ~ One of the Last Men Standing on the Titanic. https://t.co/hKVBkbp9t1 pic.twitter.com/0IxLyORbQQ
— Magnum (@watchfuldefend) February 14, 2023

Дури и кога почнала општа паника и станало јасно дека нема доволно места во чамците за сите, свештеникот одбил да се спаси. До самиот крај, тој се молел, и ги исповедувалпатниците кои биле заробени на бродот што тоне откако сите чамци одамна биле спуштени во ледената вода.

Телото на пречесниот Томас Билс никогаш не било пронајдено. Католичката црква го започна процесот на негова канонизација.