Никој не знаел дека 9-годишното момче 2 години живее сам, бидејќи бил добар ученик и чисто дете: Кога влегле во неговиот дом се скамениле

Момчето живеело само од 9 до 11 години, без ниту еден возрасен да ја забележи неговата страшна ситуација.

Храбро француско деветгодишно момче живеело само и самостојно цели две години откако мајка му го напуштила, без никој да го забележи.

Имено, момчето живеело само од 9 до 11 години, меѓу 2020 и 2022 година, без ниту еден возрасен да ја забележи неговата страшна ситуација, па ни училиштето во кое момчето редовно го посетувало и било познато како добар ученик.

Соседите на напуштеното дете велат дека не забележале дека останало само, иако понекогаш му носеле храна. Инаку, осаменото момче најмногу јадело колачиња и ладна конзервирана храна. Ова многу издржливо мало момче се миело со ладна вода и повремено земало домати од соседниот балкон за да си го задоволи гладот. Тој, исто така, поминувал долги периоди без греење или струја и бил принуден да спие со дури три јоргани.

Неговата мајка, која имала целосно старателство над момчето, живеела во соседна општина. Оваа 39-годишна жена одвреме-навреме доаѓала да го посети својот син и да му дава храна. Што се однесува до таткото на 9-годишното момче, ништо не се знаело за него. Никој не знае каде се наоѓа откако неговата мајка се разделила од него, а на крајот решила да го напушти станот во кој живеела со своето дете.

На крајот, по многу месеци, соседите сфатиле дека момчето живее само и ја известиле полицијата, која ги алармирала социјалните служби.

Тие истакнаа дека е многу предизвикувачки да се открие дека малолетникот живее сам, со оглед на тоа што момчето отсекогаш било чисто, добар ученик кој редовно си ги исполнувал обврските и ги извршувал домашните задачи. Се претпоставува дека тоа било некаков штит кој момчето го изградило околу себе за никој да не забележи дека нешто не е во ред.

Анонимен сосед изјавил дека мајката на момчето го запоставувала и покажувала „неискажливо вербално насилство“ кон детето, прашувајќи се зошто таа родила дете. Осрамотеата жена ја гонеше судот во Ангулеме за напуштање на малолетник и загрозување на неговата безбедност.

На судското рочиште беа изведени докази кои потврдија дека мајката не спиела во иста куќа со синот. Откриено е и дека таа не го носела момчето на училиште, кое тој го посетувал сам, успевајќи да ги одржи добрите оценки по пат. Мајката ги негираше обвинувањата против неа во текот на истрагата, но и на судското рочиште.

Меѓутоа, соседите потврдиле дека детето живеело само во станот, каде што полицијата пронашла празен фрижидер и без облека погодна за возрасна жена. Таа е осудена на 18 месеци затвор, од кои 6 ќе ги помине носејќи нараквица за електронско следење.

Од друга страна, момчето, кое сега е во тинејџерски години, не сака никаков контакт со мајка си, откако е сместен во згрижувачко семејство.