Носот на ѓаволот: Дали е ова најопасната железница во светот?

Nariz del Diabloили Носот на ѓаволот е името на железничката делница што минува низ Андите во Еквадор. Железницата е изградена на тежок планински терен на надморска височина од 800 метри.

Во оваа јужноамериканска земја, железничката пруга го поврза главниот град Сан Франциско де Кито со Гуанџагил пред повеќе од еден век, а таа беше изградена со примитивна технологија.

Тоа е многу зачудувачки потфат затоа што железницата поминува низ многу тежок терен, односно преку ридски клисури, бесни речни брзаци и густа шумска вегетација.

Најимпресивниот дел е наречен Nariz del Diablo или Носот на ѓаволот, кој вклучува дел што минува низ карпестите падини на Андите меѓу станиците Алауси и Сибамбе, а на моменти се искачува на 800 метри надморска височина.

Го доби своето име затоа што повеќе од две илјади луѓе ги загубија животите за време на изградбата на овој опасен терен заради последиците од честа сеизмичка активност, жолта треска, напади од диви животни и други несреќи.

Патем, овој опасен дел беше изграден од затвореници осудени на доживотен затвор на кои им беше ветено помилување по успешното завршување на работите.

Носот на ѓаволот отсекогаш бил најпопуларен дел од целиот железнички систем на Еквадор. Во 1990-тите, кога голем дел од инфраструктурата започна да се влошува и да се затвора, само Нариз остана во функција.

Ова се должи на туристите, кои дојдоа во Еквадор од целиот свет да го прошетаат, така што локалните власти отсекогаш инвестирале пари во реновирање и реставрација. Во минатото дури беше дозволено да се вози на покривот на возот, но поради смрт на едно лице, оваа практика беше забранета.

И покрај својата застрашувачка позиција на планината, возењето на оваа железница е нормална појава кај локалното население.

Погледнете во видеото како изгледа возењето: