Новиот коронавирус губи моќ, вели врвниот италијански лекар

РИМ (Ројтерс) - Новиот коронавирус ја губи својата моќ и стана многу помалку смртоносен, изјави во неделата висок италијански лекар.

„Во реалноста, вирусот клинички веќе не постои во Италија“, рече Алберто Зангило, шеф на болницата „Сан Рафаеле“ во Милано во северниот регион Ломбардија, која го сноси товарот на италијанската зараза со коронавирус.

„Наодите што беа извршени во последните 10 дена покажаа вирусно оптоварување во квантитативна смисла, што беше апсолутно поинаку во споредба со оние извршени пред еден месец или два месеци“, изјави тој за телевизијата РАИ.

Италија е трета со највисок број на жртви во светот од КОВИД-19, со 33.415 лица кои починаа откако избувнувањето излезе на виделина на 21 февруари. Таа го има шестиот највисок глобален број на случаи - 233.019.

Сепак, новите инфекции и смртни случаи паднаа во мај и земјата сега ги нема некои од најстрогите ограничувања. 

Зангрило рече дека некои експерти се премногу алармантни во врска со можноста за втор бран на инфекции, а политичарите треба да ја земат предвид новата реалност.

„Мораме да се вратиме во нормална земја“, рече тој. „Некој мора да ја преземе одговорноста за тероризирање на земјата“.

Владата повика на претпазливост, велејќи дека е премногу рано да се тврди за победа.

„Во очекување на научни докази за поддршка на тезата дека вирусот исчезна ... Јас би ги поканила оние кои велат дека се сигурни во тоа, да не ги мешаат Италијанците“, рече Сандра Зампа, потсекретар во Министерството за здравство.

„Наместо тоа, треба да ги поканиме Италијанците да одржат максимална претпазливост, да одржат физичко растојание, да избегнуваат големи групи, често пати да ги мијат рацете и да носат маски“.

Врвен лекар од северна Италија изјави за националната новинска агенција АНСА дека исто така гледа како слабее коронавирусот.

„Силата што ја имаше вирусот пред два месеци не е со иста јачина како што ја има денес“, рече Матео Бастети, шеф на клиниката за инфективни болести во болницата „Сан Мартино“ во градот Џенова.

„Јасно е дека денес болеста КОВИД-19 е различна“