Ја изгубил првата сопруга и две деца: Новиот претседател на САД доживеал тешка семејна трагедија

Новиот претседател на САД, адвокатот Џо Бајден (77), доживеа семејна трагедија што малкумина можеа да ја замислат.

Синот на Џо, Бо Бајден почина во 2015 година на 47-годишна возраст од тумор на мозокот, но тој не е единствениот член на семејството што Бајден редовно го посетува на гробиштата.

Бајден завршил правен факултет во 1966 година и кратко време по дипломирањето ја запросил својата долгогодишна девојка Нилиа Хантер. Тие се венчале истата година и го прошириле своето семејство со два сина, Бум и Хантер и ќерка Наоми.

Сопругата била најголемиот поддржувач на Бајден, бидејќи тој градел политичка кариера и тие имале идиличен брак и добар семеен живот. Меѓутоа, во 1972 година, за време на празниците, сето тоа било прекинато од голема трагедија.

Само една недела пред Божиќ, Нилиа одела на шопинг со своите синови и ќерката, а додека биле во автомобилот, налетал камион. Сопругата на Бајден и едногодишната ќерка Наоми починале на самото место, додека неговите синови биле тешко повредени.

Нилиа и Наоми се погребани на гробиштата во Гринвил, каде Бајден подоцна го погреба неговиот син Бо.

Претседателот немал многу време да жали за загубата на сопругата и ќерката затоа што се посветил на воспитувањето на синовите, а три години по трагедијата, повторно нашол верба во љубовта.

Тој ја запознал својата сопруга Џил - новата прва дама, со која е во брак од 1977 година. Таа му помогнала да се грижи за Бум и Хантер, а во 1981 година тие ја добија ќерката Ешли, која е социјален работник.

Синот на Џо, Хантер (50) тргна по неговите стапки, дипломира право и работи како адвокат.

Покојниот Бо исто така бил адвокат и работел како Окружен правобранител во Делавер.