Омилената докторка на Трамп: Не носете маски против ковид-19, соништата предизвикуваат неплодност
Во почетокот на неделата, неколку лекари се собраа на скалите на Врховниот суд на Соединетите држави и постојано промовираа дезинформации за ковид-19, вклучувајќи ја и тезата дека хидроксихлорокин ги ублажува симптомите на коронавирус, што беше побиено, и опасната идеја да не носиме заштитни маски ако сакаме да го спречиме ширењето на коронавирусот.
Снимката на нивните говори наскоро беше отстранета од социјалните медиуми за промовирање на лажни информации, но пред тоа беа прегледани и споделени од десетици милиони луѓе, вклучувајќи го и претседателот на Соединетите држави.
Она што е интересно е дека од споменатите десет лекари, двајца се офталмолози - специјалисти за заболувања на очите. Меѓу медицинските лица собрани пред Врховниот суд беше педијатарот и пасторка Стела Имануел, чија медицинска пракса се наоѓа во истиот трговски центар во Тексас како и нејзината цркваFirepower Ministries .
Имануел рече дека веќе третирала стотици пациенти со хидроксихлорокин и дека луѓето не мора да носат маски затоа што веќе имаме лек за ковид-19, а Доналд Трамп го ретвитна нејзиното тврдење. Таа го промовираше лекот во видео кое подоцна беше отстрането од Фејсбук, Јутуб и Твитер. Трамп е импресиониран од нејзниот говор, потенцирајќи на Твитер дека дефинитивно треба да се гледа.
„Неплодноста е предизвикана од соништата во кои има секс со демони и вештерки“
Иманул исто така рече дека гинеколошки проблеми како цисти, ендометриоза и неплодност се предизвикани од соништата во кои има духовен сексуален однос со демони и вештерки.
"Многу жени редовно страдаат од астрален секс. Астралниот секс е способност да се проектира нечиј дух во телото на жртвата. Оваа практика е многу честа појава кај сатанистите. Тие ги оставаат своите физички тела и ги претвораат своите духовни на оние жртви со кои сакаат да имаат сексуални односи." Стои на нејзината, сега непостојана веб-страница чија архива можете да ја погледнете овде.
Биографија на контроверзната педијатарка
Стела Гвандику-Амбе Имануел учеше на протестантско средно училиште во Бали и потоа студираше медицина на Универзитетот Калабар во Нигерија. Таа се пресели во САД во 1992 година, пишува Би-Би-Си.
Педијатриската кариера ја започнала на клиника во Луизијана, а од 2006 година е практикант во Медицинската и терапевтската клиника Рафа. Таа беше лиценцирана да практикува медицина во Тексас пред осум месеци.
Таа е пасторка во црквата во Хјустон, која самата ја основаше, а во своите проповеди промовира теории на заговор, вклучувајќи ги и агендата за геј, секуларен хуманизам, Илуминати и демонскиот нов светски поредок. Таа има напишано и неколку книги.
Во 2019 година, таа започна да работи во Медицинскиот центар Rehoboth.
Извор. Index.hr
