Ова се 2-те години кога мозокот и телото најбрзо стареат: Оние кои ја поминале втората треба посебно да се грижат

Секој што ја поминал втората година треба посебно да се грижи.

Овие откритија не се тука за да не исплашат, туку да не мотивираат. Стареењето е природен процес, но со малку знаење и свесност, можеме да го направиме грациозно - и да, сепак да ја чувствуваме таа младешка искра во секоја фаза од животот. Запомнете, грижата за себе не е луксуз, туку најдобрата инвестиција што можете да ја направите.

Дали некогаш сте се запрашале зошто понекогаш се чувствувате како „наеднаш“ да сте остареле? Науката сега ни дава интересен одговор на тоа прашање! Новото истражување покажа дека процесот на стареење на нашето тело не е нужно линеарен - всушност, постојат два клучни моменти во животот кога се чини дека стареењето се забрзува.

Според една студија објавена во списанието „Nature Aging“, човечкото тело поминува низ два значајни „скока“ во стареењето: околу 34 и 60 години. Научниците го откриле ова со анализа на специфични протеини во крвта, кои служат како биомаркери за проценка на стареењето.

Што се случува во тие години?

Истражувачите објаснуваат дека овие „точки на забрзување“ можат да бидат поврзани со големи биолошки промени. Во раните 30-ти, телото почнува да ги чувствува првите сериозни знаци на забавување на метаболизмот, хормонални промени и опаѓање на регенеративните способности. Со други зборови, работите што досега сте ги земале здраво за готово - како брза енергија и мазна кожа - може да станат предизвик.

Од друга страна, шеесеттите носат значајни промени поврзани со стареењето на имунолошкиот систем и регенерацијата на мозочните клетки. Ова е време кога многу луѓе забележуваат подлабоки брчки, побавно закрепнување по болест и генерално ослабена виталност и меморија.

Што можете да направите?

Иако не можеме да го избегнеме стареењето, она што не потсетува оваа студија е колку е важно да се грижиме за себе во текот на животот. Здравата исхрана, редовната физичка активност и управувањето со стресот се клучни алатки за забавување на ефектите од стареењето. Исто така, од триесеттите па наваму, размислете за зајакнување на вашата рутина со производи богати со антиоксиданси и навлажнувачки состојки кои ја поттикнуваат регенерацијата на кожата.

А за шеесеттите? Никогаш не е доцна да се инвестира во квалитетна нега која ја храни зрелата кожа и ја зајакнува бариерата од надворешни влијанија. Исто така, додатоците во исхраната како колаген или омега масните киселини можат да направат чуда за одржување на здравјето одвнатре кон надвор.