Пеколот почнал во секунда: Ова е моментот кога се урна покривот на ноќен клуб и уби 98 луѓе, снимени се последните зборови на пејачот: „Бетонот е на мене, не можам да дишам...“

Бројот на жртвите од уривањето на покривот на ноќен клуб во главниот град на Доминиканската Република, Санто Доминго, се искачи на 98, додека 160 лица се повредени, соопштија официјални лица.

Инцидентот се случил во вторникот на концертот на пејачот Рубио Перез во ноќниот клуб Џет сет.

Пејачот почина, а на социјалните мрежи се појави видео од неговите последни зборови.

Според шпанските медиуми, неговите последни зборови биле дека „имал бетон на себе и се гуши“.

На социјалните мрежи беше објавено и видео од точниот момент кога се урна покривот.

Стотици луѓе беа на концертот, а околу 400 спасувачи сè уште трагаат по преживеани. Се стравува дека бројот на загинати ќе се зголеми.

Меѓу загинатите е и гувернерот на северозападната провинција Монте Кристи, Нелси Круз, а меѓу повредените се и поранешниот бејзбол играч од големата лига Октавио Дотел и претставникот Бреј Варгас.

Менаџерот на Рубио Перез, Енрике Паулино, им изјави на новинарите на местото на настанот дека концертот започнал нешто пред полноќ во понеделникот и дека покривот се урнал речиси еден час подоцна, при што загинал саксофонистот на групата.

На социјалните мрежи беше објавено и видео од точниот момент кога се урна покривот.