„Погледнете што му направи дрогата на мојот син за седум месеци“: Очајна мајка покажа дел од страшните последици од зависноста (ФОТО)

Коди Гибсон од Венцвил, Мисури, бил бодибилдер, а потоа паднал во стапицата на зависност од дрога. Неговата мајка на Фејсбук објавила фотографии од нејзиниот син пред да почне да се дрогира и фотографии направени седум месеци подоцна за да го покажат вистинското лице на застрашувачкиот порок.

Гибсон станал зависник од метамфетамин и хероин, дрога која предизвикала низа здравствени проблеми и речиси го уништила неговиот и животот на неговото семејство.

„Ова е лицето на мета и хероинот“, вели неговата мајка покрај фотографиите. Коби Гибсон страдал од ментални нарушувања поради дрога, ослабел многу, развил кожни болести и некое време живеел на улица. Зависноста од дрога предизвикува и проблеми со забите, сериозни оштетувања на мозокот, предизвикувајќи губење на меморијата, психоза и параноја.

Неговата мајка, Џенифер Салфтен-Трејси, сакала да ја искористи приказната на нејзиниот син за да привлече внимание на сериозноста на проблемите предизвикани од употребата на дрога. „Сан“ пишува дека во последната деценија во Америка е забележана поширока употреба на наркотици.

Коди е здрав 26-годишен млад човек на првата фотографија, а целосно непрепознатлив на втората фотографија.

„Овие фотографии се направени со разлика од седум месеци, толку малку е потребно некој да биде уништен“, вели неговата мајка. Кога ја објавила оваа приказна, нејзиниот син сè уште живеел на улица, одбивајќи да се врати дома. Таа рече дека не спиела навечер прашувајќи се што се случува со него.

„Научив дека толку многу луѓе и семејства се соочуваат со истата болка, но тие едноставно не зборуваат за тоа. Ова е вистински проблем во нашиот свет, мораме да се собереме и да се фокусираме на решението...“, рече таа жалејќи се дека надлежните не си ја вршат добро работата.

Таа подоцна објави дека нејзиниот син е пронајден и дека започнал со рехабилитација. Една година подоцна, таа се пофали дека на Коди му оди добро и дека неговото закрепнување оди добро.

„Тоа не беше лесен пат за него и за сите нас вклучени, но никогаш не би можела да бидам поблагодарна што мојот син е жив и без дрога. Си го вратив синот, моите деца повторно добија брат, а моите внуки го добија повторно нивниот татко!".

Коди, кој има две ќерки, напишал дека го надминал порокот, пренесува The Sun.