Поради коронавирусот го скрши телевизорот со копач, причината за тоа е навистина тажна

МИРСАД МУЛАСМАЈИЌ од Нови Шехер во БиХ е снимен како крши телевизор со копач и проколнува коронавирус.

Зад неговата постапка стои тешка приказна. Мирсад откри дека се најде во тешка состојба со семејството поради пандемијата. Нема работа, сопругата е болна и имаат 10-годишен син. Го искрши телевизорот, вели тој, од очај.

"Го скршив телевизорот затоа што короната целосно ми го отежна животот. Не доаѓаат ни од дијаспора, па затоа не можам да заработам ни за дневница. Јас го направив тоа од очај и лутина", изјави тој за Дневни аваз.

Тој исто така раскажа како успева да преживее.

"Дојдов во ситуација да немам леб за детето. Не работам никаде. Немам приход. Жена ми е болна. Заработувам пари копајќи гробови. Грдо е да се каже, но се радувам кога некој ќе ме повика да копам, а човек умрел. Данот за нас добро започнува ако некоја кокошка снесе јајце. Јас одгледувам и корнишони (краставици), ги продавам. Сакам да работам, но давам се што ќе заработам за кредит. Не знам како успеваме да преживееме. Немам дури ни земјоделски машини, па не мора да губам пари плаќајќи им на луѓето што ја ораат мојата нива “, рече Мирсад.

Неговиот 10-годишен син Бахир не оди на училиште, но посетува часови на Интернет, па мораше да му обезбеди таблет и да плати за Интернет.

"Не знам како ќе ја платам сметката за Интернет, и морам да ја платам затоа што детето не може да оди на училиште. Сето тоа е живо страдање, што да кажам. Јас навистина не гледам излез од ситуацијата, не знам како да продолжам. “, заклучи тој.