Поради кризата со коронавирусот, предложи продавање на Мона Лиза за луда цена

Франција би можела да ги надомести своите финансиски загуби среде пандемија на коронавирус со продажба на слика на Мона Лиза, пишува Индипендент.

Ова е предлогот на основачот на компанијата „Фаберновел“, Стефан Дистанган, кој ја проценува вредноста на сликата на 50 милијарди евра.

Во интервјуто за магазинот „Usbek & Rica“, тој објасни дека загубите ќе бидат многу значајни и дека верува оти државата треба да продава вреден имот по најголема можна цена.

- Продајте го семејниот имот. Таа слика е лесна за поместување, лесно може да се пренесе. Имаме многу слики. Цената мора да биде луда за да функционира вакво нешто, и проценувам дека Мона Лиза би можела да се продава за 50 милијарди евра. Ми беше кажано дека мојата проценка е преценета - рече Дистанган.