Поранешната заѕвони и ми рече: „Имаш ќерка, има 21 година и те молам однеси ја оваа информација во гроб“ - Сега има дилема и моли за совет

Долго време скриена семејна тајна, без разлика колку им носи олеснување на оние кои ја чувале, за другите луѓе тоа би можело да биде болно знаење што го менува целиот живот.

Прашувајќи се дали да го остави минатото зад себе, шокиран кога дознал дека има ќерка за која досега не знаел, еден Британец решил да побара совет од познатата колумнистка на „Гардијан“, Елинор и да ѝ ја раскаже својата приказна.

„Пред неколку години, мојата поранешна девојка ме контактираше и ме извести дека сум биолошки татко на нејзината 21-годишна ќерка, средната од три деца. Таа беше мојата прва вистинска девојка, но се разделивме кога бевме уште млади. Нашите патишта се вкрстија неколку години подоцна, кога имавме кратка врска. Не знаев дека е бремена, таа ја сокрила целата работа и остана со нејзиниот сопруг, кој несвесно го одгледа тоа дете како свое“, пишува мажот.

Тој додава дека веднаш по откривањето на тајната, неговата поранешна девојка се покајала и почнала да инсистира никому да не кажува за ова, туку да го „однесе знаењето со себе во гроб“.

„Иако досега ја почитував нејзината желба, крајно сум фрустриран од ситуацијата и би сакал да ја запознаам ќерка ми која не знае дека постојам. Во брак сум 16 години и имам мала ќерка. Мојата сопруга знае за ова ситуација и целосно ме поддржува“, напиша Британецот.

Одговорот на колумнистката набрзо стигна и иако не беше сигурна кој е вистинскиот начин да се надмине целата ситуација, таа понуди неколку корисни идеи.

„Изгледа се двоумиш дали да ја кажеш вистината на ќерка ти. Тоа е многу тешка одлука и кога ќе ја донесеме обично размислуваме за исходот што го сакаме, но тука е обратно. Единственото нешто во врска со оваа одлука е ризикот кои сте спремни да го преземете“, истакна Елеонор.

Со надеж дека нејзиниот одговор ќе му помогне да одлучи која е најдобрата понудена опција, таа му го кажа она што таа би направила.

„Нагласувам дека ова кое го нудам не е како одговор, туку како линија на размислување. Јас не би ѝ рекла, еве зошто: Да, мајка ѝ донела лоша одлука, уште две-три после тоа, но тоа е веќе направено. Откривањето може да биде уште поштетно. Тоа би значело дека девојката треба да одлучи како се чувствува за странецот додека ги обработува информациите дека нејзината мајка имала афера и ја лажела толку многу години. Бракот на нејзината мајка исто така би бил во прашање, а девојката која не одбрала ништо од ова ќе се најде во криза, без поддршка“, рече Елеонор.

Таа додава дека тоа би повлекло најмалку ризични потези.

„Понекогаш лошите избори од другите луѓе ни нудат уште полоши опции. Без оглед на вашиот одговор, размислете за ова: кога не можеме да донесуваме одлуки врз основа на исходите, може да се запрашаме какво оправдување би сакале да ги одразуваат вашите постапки“, заклучи таа.

Фото: SHUTTERSTOCK