Претседателката на Словенија, Наташа Пирц Мусар: Вози мотор и прави специјалитети
Стана рутина да се следат кариерите на врвните фигури во меѓународната политика, кои важат и за најпочитуваните луѓе во светот. Знаејќи ги сите нивни постапки, успеси или неуспеси, етички пристап кон работата, ветувања и намери... на сето тоа веќе сме навикнати.
Меѓутоа, што се случува кога приватниот живот ќе стане главен столб за набљудување на личноста? Дали приватното нужно го одразува јавното? Што се случува кога ќе се изгасне светлото на камерата?
Фото: Инстаграм
Во овој опсег се наметнуваат многу дилеми и дебати кои ги интригираат генерациите по нас. Страста кон модата, тетоважите, екстремните спортови или дури и пиењето шампањ пред спиење се само дел од необичните навики и хобија кои ги прават најголемите имиња на светската сцена само обични луѓе.
На гости ни е претседателката на Словенија Наташа Пирц Мусар, првата жена претседателка во Словенија.
Словенците ја сметаат за посебна и ја сакаат бидејќи во неколку наврати докажа дека е приземна личност со јасни ставови.
Но, освен политичкиот живот, интерес за јавноста е и нејзиниот приватен живот, особено ако се земе предвид дека кариерата ја започна како новинар на словенечката државна телевизија, каде беше водителка на националниот Дневник, а беше и адвокатка на поранешната прва дама на Соединетите Американски Држави, Меланија Трамп, која ја застапуваше во спорови против медиумите. експерт за човекови права.
Посебно интересен е фактот што во слободно време сака да готви и да прави разни деликатеси, како торти и колачи кои редовно ги објавува на социјалните мрежи, а сака и да вози мотор.
