Пријател на покојниот Пејн ја негира вината: „Никогаш не го оставив, трипати го посетив на денот на неговата смрт“

Рохелио Норес, пријател на Лијам Пејн, објави изјава во која негираше вмешаност во смртта на Пејн.

Три лица се официјално обвинети за смртта на ѕвездата на One Direction, соопштија аргентинските власти.

Пејачот почина на 16 октомври откако падна од балконот на третиот кат на хотел во Буенос Аирес.

Едно лице кое го придружуваше уметникот беше обвинето за напуштање на Пејн, што резултираше со негова смрт, но и за снабдување на пејачот со дрога, соопшти обвинителството.

Норес тврди дека тој не е личност која треба да биде вклучена во истрагата.

„Никогаш не го напуштив Лиам. Тој ден три пати отидов во неговиот хотел. Заминав 40 минути пред да се случи ова“, изјави за Дејли Меил Норес, аргентински бизнисмен кој се спријателил со Пејн во 2020 година.

„Во лобито на хотелот имаше преку 15 луѓе кои разговараа и се шегуваа со него кога заминав“, тврди Норес.

Тој инсистираше на тоа дека оттогаш не разговарал со ниту еден полицаец или обвинител.

„Навистина сум скршен од оваа трагедија“, рече Норес.