Приказната за ГЕРНИКА: “Не ја насликал Пикасо, туку ТИЕ„

„Герника“ е најпознатата слика на Пикасо, насликана како одговор на бомбардирањето на Герника, баскиско село- гратче во северна Шпанија, од озлогласената германска дивизија Кондор на 26 април 1937 година, за време на Шпанската граѓанска војна. Ја прикажува трагедијата на војната и тортурата што ја доживеале луѓето во тоа село, главно невини цивили. Кога еден германски офицер ја видел сликата во ателјето на Пикасо, маѓепсан од нејзината убавина, го прашал:

- Дали вие го направивте ова?

Пикасо едноставно му одговори:

- Не, вие го направивте ова!

Станува збор за мурал со димензии 349,3 cm × 776,6 cm, изработен со техника масло на платно. Тоа е една од најпознатите слики на Пикасо и една од најпознатите слики во светот со антивоена порака. Пикасо создаде слика нарачана од шпанските културни претставници за шпанскиот павилјон на Светската изложба во Париз во 1937 година. Сликата за прв пат била изложена на истото место.

Создавање на сликата

Откако ја доби нарачката да создаде слика за Светската изложба, Пикасо долго време беше без инспирација. Во тој период од животот не бил задоволен од работата, бил меланхоличен и депресивен. Освен тоа, во неговата родна Шпанија беснеела граѓанска војна, што дополнително влијаело на расположението на Пикасо. Кога слушнал за безмилосното бомбардирање на Герника, мало гратче во северна Шпанија, на 26 април 1937 година од страна на италијанските и германските воздушни сили, во кое градот бил речиси срамнет со земја, ја добил идејата за сликата.

Тој успеа за само 35 дена. Доминираат монохроматски бои, сива, црна и сина. Иако сликата на Герника денес се смета за еден од најважните антивоени симболи, Пикасо никогаш не сакал да зборува за неа. Исто така, според желбата на Пикасо, сликата не требало да биде однесена во Шпанија додека таму не се воспостави демократија. Самиот уметник не го чекаше тоа. Се чуваше во Музејот на современа уметност во Њујорк, а во 1981 година, неколку години по смртта на Франциско Франко, беше однесена во Шпанија. Денес се чува во музејот на кралицата Софија во Мадрид.

Таписерија во седиштето на Обединетите нации

Во 1955 година, Нелсон Рокфелер побарал да ја купи Герника од Пикасо, што Пикасо го одбил. Како компромис, по налог на Рокфелер, направена е таписерија, која е изложена во седиштето на Обединетите нации, на влезот во просториите на Советот за безбедност на ОН.

Денес, нејзината вредност се проценува од 700 до милијарда долари.