ПРОДАЛ НИВА ЗА ГРОБИШТА, НО ОПШТИНАТА НЕ МУ ПЛАТИЛА: Му ја вратиле заедно со 150 закопани

Пред 17 години, Славиша Јовановиќ од околината на Ниш ја продал својата нива за проширување на гробиштата. Бидејќи парите не биле уплатени во целост, тој ја тужел општината. По десет години постапка, судот одличил да му се врати нивата, но заедно со телата на 150 закопани соседи и роднини. И селото се најде во проблем бидејќи „новиот сопственик“ на гробиштата не е овластен да организира погреби.

Градот не платил во целост

„Едноставно не можам да го поднесам ова. Да ви кажам, се ми е толку непријатно што не можам да спијам навечер“, вели Славиша Јовановиќ.

Како да спие кога му ја вратија семејната нива, која во 2007 година беше продадена на гробишта на општината, но со 150 закопани луѓе?