Пронајден на Балканот пред 7.000 години: Како симболот на благосостојба стана симбол на ЧИСТО ЗЛО
фото:Wikipedia
Денес ја сметаме „Свастика“ за синоним за нацизмот, злосторствата и Адолф Хитлер. Меѓутоа, ако се движиме низ историјата неколку илјади години наназад, ќе откриеме сосема поинакво, оригинално значење на овој оцрнет симбол.
Свастика на антички јазик значи „просперитет/благосостојба“. Се верува дека потекнува од Индија, а со милениуми го користеле будистите, Индијанците и џаинците како симбол на среќа. Западњаците кои го истражуваа источниот свет станаа фасцинирани од свастиката и ја воведоа во културата на нивните земји.
Така кукастиот крст првпат го запозна Западот, а тој ја запозна и неа. На почетокот на 20 век, постоеше општа лудост за овој симбол како олицетворение на успехот. Го користеле Кока-Кола и Карлсберг, како и обичните занаетчии. Армиите на САД и Велика Британија користеле свастика на крилата на нивните авиони за време на Првата светска војна.
Бенигноста на овој симбол завршува на почетокот на триесеттите години на 20 век. Ненадејниот пораст на идејата за нацизмот засекогаш го промени значењето на свастиката. Следбениците на Хитлер го прифатиле симболот благодарение на студентите кои преведувале древни индиски списи и забележале во нив голема сличност меѓу германскиот и хинду-јазикот.
Во поплавата на нацистичкото лудило тие заклучија дека лингвистичката сличност не е случајна и дека Германците имаат предци на белите богови-воини: Ариевците. Антисемитските орди ја прифатија свастиката како симбол на „превласта на германската раса“.
Иронијата на сето тоа е што свастиката е поевропски симбол отколку што некој може да замисли. Нејзиното праисториско потекло е од Индија, тоа е јасно, но го користеле и старите Грци, Келтите од англосаксонските народи, а најстарата примена е пронајдена на нашите простори: Балканот.
Свастиките се појавиле во културата на Винча пред 7.000 години. Свастиката беше забранета во Германија по Втората светска војна, а оваа земја покрена иницијатива за забрана на симболот низ ЕУ, но безуспешно.
