Пржење месо на процесор

Еве зошто треба да внимавате на температурите што ги создаваат компонентите на вашиот компјутер ...

Сите оние кои се малку подобро запознаени со вокабуларот, знаат дека делови како што се матичната плоча и процесорот можат да достигнат температури над 70 степени.

Овие две компоненти се дизајнирани да работат на многу високи температури, но често овие температури се уште повисоки, што може да предизвика компјутерот да престане да работи целосно.

Кога станува збор за процесорот, неговата температура треба да биде некаде помеѓу 27 и 35 степени кога компјутерот е во мирување, а при извршување на разни активности, температурата не треба да надминува 55 степени. Се разбира, денешните современи процесори претрпуваат температури дури и 70-80 степени, но тоа се горни граници кои го скратуваат животот на процесорот и предизвикуваат нивно расипување. Истото важи и за графичката картичка, иако во повеќето случаи овие картички работат на горните температурни граници достигнувајќи до 75 степени. Меѓутоа, ако температурата почне да ги надминува овие бројки, постои проблем и треба да го решите.

Во компјутерот има ладилници и термички пасти што ги ладат овие компоненти, но што се случува кога овие додатоци ќе ги снема. Овој Јутубер одлучи да го отстрани ладилникот од процесорот и на него стави месо.

Температурата на процесорот се зголеми толку брзо и надмина 100 степени, што месото почна да се пржи и за само неколку минути беше подготвено за јадење.