Разорната моќ на бурата Јанос: Кефалонија никогаш нема да биде иста

Природата знае да биде немилосрдна исто толку колку што сме и ние немилосрдни со неа. Урагани, земјотреси, свлечишта... многу природни катастрофи кои најчесто носат и човечки животи.

Циклонот Јанос, кој погоди делови од Грција во петокот, однесе три животи и предизвика огромна штета. Особено погодени се островите Крит, Итака и Кефалонија.

На видеото се гледаат автомобили закопани во земјата до врвот и заглавени бродови.

Селото Асос, за кое многумина велат дека е најубаво место во Кефалонија, остана без многу патишта, откако поројниот и силен ветер ги уништи улиците.

Локалните медиуми објавија снимки и фотографии од Асос и други места на островот, што се исто така популарни меѓу нашите туристи.

На островот Крит, бурата донесе обилни дождови што поплавија патишта и продавници.

Премиерот Кирјакос Мицотакис, кој најави дека наскоро ќе го посети регионот, рече дека владата ќе обезбеди помош за погодените области.

Противпожарната единица објави дека добила повеќе од 2.450 повици во погодените региони за помош во спасување на блокирани лица, за сеча на дрвја и испумпување вода од куќи и компании.

Циклоните, кои првпат се појавија во Грција во 1995 година, станаа почести во последниве години.