Речете збогум на комарците: Од утре град Скопје вонредно ќе прска

Периодов како да има наезда на комарци и многу граѓани се пожалија на каснувања, а сите знаеме колку можат да бидат досадни и упорни. Низ годините, град Скопје спроведуваше многубројни прскања, но ефектот некако е мал. 

Сега повторно, во консултација со надлежните здравствени служби, Град Скопје донесе одлука за вонредно прскање против комарци.

Прскањето ќе се спроведе утре.

Од градот потсетуваат дека оваа година извршиле 4 авионски и 4 терестични дезинсекции на подрачјето на градот Скопје против возрасни форми на комарци и против ларви од комарци. И додаваат дека дезинсекцијата главниот град ја спроведува според сите светски и европски стандарди, а средството кое што се користи е од најдобриот светски препарат, производство на Бајер - Германија, а прскањето и растварањето на средството се врши согласно упатството на производителот и под надзор на комуналните служби на градот

Граѓаните изминатиов период најчесто преку социјалните мрежи апелираа за инвазијата на комарци во Скопје.

Скопјани се жалеа и велеа дека не можат навечер да седнат во двор, ниту на тераса, а паркот кадешто има и вода бил неподнослив наместо релаксирачки поради инвазијата од комарци.