Ремдесивир- лекот за итна употреба против коронавирусот најраспространет меѓу одредени земји

Ремдесивир е првиот лек што се покажа како ефикасен во лекувањето на новиот коронавирус за време на човечки испитувања, а Јужна Кореја, Јапонија, Индија и Соединетите држави веќе го одобрија за итна употреба.

Пред 2 дена и Сингапор го одобри Ремдесивир, производ на „Гилеад науки АД“, за третман на тешки пациенти со ковид-19.

Агенцијата за здравствени науки во Сингапур (ХСА) објави дека ќе даде условно одобрение за употреба на Ремедивир при третман на возрасни пациенти кои имаат ниско ниво на кислород во крвта или имаат потреба од дополнителен кислород, пишува Ројтерс .

39.000 случаи на инфекција

„Иако податоците за ефикасноста и безбедноста на овој лек во моментов се многу ограничени, ХСА ги забрза истражувањата во Ремдесивир, поради итна потреба за јавно здравје за време на пандемијата на ковид-19“, се вели во соопштението на ХСА.

Сингапур има скоро 39.000 случаи на инфекција со коронавирус, но досега само 25 лица починале од компликации поврзани со ковид-19, а тројца пациенти во моментов се наоѓаат во одделот за интензивна нега.

Според студијата објавена завчера, Ремдесивир го спречил развојот на заболувања на белите дробови кај мајмуните заразени со коронавирус.