Русите имаат уште две вакцини: Научниците со големи очекувања (ВИДЕО)

Фото насловна: Kommersant Photo Agency / ddp USA / Profimedia, TASS / TASS

Спутник не е единственa, Русите имаат уште 2 вакцини

По Спутник V, во Русија беа развиени уште две вакцини против корона - ЕпиВакКорона и КовиВак. Но, третата фаза од клиничката студија сè уште не е завршена. Научниците имаат големи очекувања.

Официјална Москва има намера да ги вакцинира повеќето граѓани до есен. Според планот, до мај Русија може да произведе вкупно педесет милиони домашни вакцини, пренесува Дојче Веле.

Сите три вакцини добија одобренија за употреба пред третата фаза на клинички студии во кои вакцината се тестира на десетици илјади волонтери. Така, во август минатата година Спутник V стана првата одобрена вакцина во светот. Само по одобрението, вакцината беше тестирана во тестови со 40.000 луѓе.

Пред пандемијата со корона вирус, вакцините или лековите се користеа само по третата фаза на клинички студии и откако независни експерти ги разгледаа резултатите. За време на оваа пандемија, многумина прибегнаа кон водење на втората и третата фаза од студијата паралелно со цел да ги забрзаат работите.

По третата, следува четврта фаза: ефектите на вакцината кај општата популација се следат подолг период.

Во Русија, како Спутник V, ЕпиВакКорона (во октомври) и КовиВак (во февруари) беа одобрени пред третата фаза. Очигледно, ќе има повеќе руски вакцини. Според извештаите, вакцината наречена Мир-19 ја поминала првата фаза на тестирање.

ЕпиВакКорона

Оваа вакцина се потпира на хемиски синтетизиран антиген, што значи дека не содржи жив вирус. Антигенот е супстанца што го стимулира телото да произведува антитела. Според некои извори, оваа руска вакцина треба да ја помине третата фаза од клиничката студија најрано во мај.

Сепак, вакцината е веќе одобрена во Русија, но и во Туркменистан, како што објави тамошната државна новинска агенција. Во Русија на населението веќе им се дадени 45.000 од овие вакцини.

Пред неколку дена, СЗО објави дека се уште чека рускиот државен институт Вектор, кој го направи ЕпиВакКорона, да ги испрати потребните документи за експертите на организацијата да ја проценат вакцината.

Оваа вакцина се чува во обични фрижидери. А, руските власти тврдат дека тоа покажало 100% ефикасност на првите тестови.

КовиВак

Оваа вакцина е развиена од Центарот Чумаков, гранка на Руската академија на науките. Вакцината не ја споменува СЗО, ниту на clintrials.gov, американскиот официјален портал што ги следи сите клинички испитувања во светот.

Исто така може да биде збунувачки што американски експерти од Codegenics работат на вакцина практично со истото име Кови-Вак (иако името на руската вакцина главно е напишано без цртичка).

Според она што е познато, рускиот КовиВак користи стандардна технологија - неактивен вирус кој не може да го зарази пациентот, но може да предизвика производство на антитела. Руските научници се надеваат дека оваа техника ќе се покаже ефикасна против сите мутации.

Руската агенција Тас известува дека КовиВак може да биде погоден особено за стари лица и хронично болни, бидејќи несаканите ефекти се наводно поблаги отколку со другите вакцини.

Центарот „Чумаков“ наведува дека вакцината се чува на температура од два до осум степени, односно во обичен фрижидер.

Видео: Youtube/RT/Wion

Можеби ќе ве интересира: