„Сан“ објави список со имиња кои се во игра за второто дете на принцот Хари и Меган Маркл

Фото: Youtube printscreen/BBC News

Британскиот весник „Сан“ објави список со имиња кои се во игра за второто дете на принцот Хари и неговата сопруга Меган Маркл, откривајќи дека девојчето најверојатно ќе се роди во четврток, 10 јуни, на роденденот на покојниот сопруг на кралицата Елизабета Втора, принцот Филип.

Британскиот принц Хари и неговата сопруга, Американката Меган Маркл, кои предизвикаа полемики во претходниот период поради нападот врз кралското семејство, обвинувајќи дека претрпеле тортура додека живееле во Лондон, очекуваат раѓање на уште едно дете, овој пат ќерка.

Ова го откри британскиот таблоид „Сан“, а пишува „Дејли меил“, тврдејќи дека војводата и војвотката од Сасекс можеби ќе ја крстат ќерка си Пип токму поради сеќавањето на нејзиниот дедо, што, според медиумите, би допрело до одредени членови на кралско семејство, особено кралицата.

- Ако девојчето се вика Пип, тоа би бил убав начин да му се оддаде почит на принцот Филип - коментираше неименуван извор од Бакингемската палата за „Сан“.

Сепак, тоа не мора да биде во позитивно светло, бидејќи во неодамнешното интервју со водителката Опра Винфри, второ по ред, принцот Хари, исто така, му удри шлаканица на принцот Филип, тврдејќи дека тој, заедно со баба му кралицата, „не му дозволувале да жали и тагува за неговата мајка“, покојната принцеза Дајана, која почина во 1997 година.

- Од нас се очекуваше да се вратиме на нашите обврски како ништо да не се случило. Уште тогаш знаев дека не сакам да бидам дел од семејството во таа форма, знаев дека не сакам таков живот - изјави неодамна Хари и откри дека години по смртта на неговата мајка користел наркотици и пиел секој ден да се справи со нејзиното предвремено заминување, немал соодветна поддршка во целата ситуација.

Во интервјуто, тој понатаму го нападна својот татко, принцот Чарлс, изјавувајќи дека знае дека им велел на него и на неговиот брат, принцот Вилијам: „Ако морав јас да го сторам тоаќе можеш и ти“.

- Воспитан е да страда и се помири со тоа. Но, такво нешто не треба да им се пренесува на вашите деца. Наша должност е да ги заштитиме децата од каква било болка - рече принцот и на тој начин директно ги нападна кралицата и неговиот покоен дедо, бидејќи тие го воспитуваа и Чарлс.

Од друга страна, „Сан“ открива дека Хари и Меган ја разгледуваат опцијата нивното девојче да го именуваат по кралицата Елизабета Втора - Лили, или можеби по принцезата Дајана.

- Лили и Пип не се традиционално кралски имиња, па можно е да бидат земени во предвид бидејќи Хари и Меган се дистанцираа од семејството и не се оптеретени со правилата што важат за неа - тврди „Сан“ и потсетува дека парот имаедно дете, син, по име Арчи.

Патем, приказната за имињата започна откако војводата и војвотката од Сасекс беа отстранети од официјалната веб-страница на Кралската палата. Покрај тоа, по последното интервју на Хари, имаше иницијативи за одземање на двојката од сите титули што им ги додели кралицата Елизабета Втора по свадбената церемонија во 2018 година.

И покрај тоа, нивните имиња се наведени на страницата и се споменува дека војводата и војвотката ќе продолжат да ги балансираат своите обврски во односите Британија-Америка.

Извор: republika.rs