Сила од 10 до 20 мегатони ТНТ, 1000 пати помоќна од атомската бомба во Хирошима: Што се случи?

Еден од најмистериозните настани во историјата се случил на денешен ден, 30 јуни 1908 година, длабоко над сибирската тајга. Рано утрото во Тунгуска небото го осветли мистериозна светлина, а експлозијата што следеше се слушна на оддалеченост од 1000 километри. Сеизмичките бранови ја обиколија земјината топка двапати. 

Во градот Варнава, оддалечен 60 километри, искршени беа прозорците. Локалните жители на брегот на реката Лена видоа фонтана од оган, чад и прашина. Огромен огнен столб висок 20 километри се издигна над тајгата. 

Жртви немало бидејќи настанот се случил во оддалечен дел на Сибир, па биле потребни 20 години додека првата група истражувачи не пристигнала таму. Глетката што ја пронашле била застрашувачка. Остатоците од околу 60 милиони откорнати дрвја со нивните корени свртени кон епицентарот лежеа во опустошената тајга. Немаше кратер што ќе сведочи за ударот на метеоритот. 

На крајот, заклучено е дека експлозијата се случила на 6 километри над земјата, па една реална теорија била дека камениот метеорит експлодирал откако прелетал низ земјината атмосфера. Причината за експлозијата до денес не е решена. Експлозијата имаше сила од 10 до 20 мегатони ТНТ и беше илјада пати помоќна од атомската бомба што ја уништи Хирошима. 

Некои локални жители подоцна изјавија дека оваа катастрофа не само што убила голем број ирваси што ги одгледувале, туку оваа чудна појава со себе донела и чудна болест на ирвасите - шуга, за која мештаните велат дека никогаш не се појавила пред експлозијата.

Многу уфолози тврдат дека летечка чинија експлодирала над Сибир.