Тој е жив, ама срцето не му чука: Николај од Русија е единствениот на светот кој живее со „мртов“ орган

Сè започна пред неколку години, кога односот меѓу Николај и неговата сопруга започна да се влошува, за таа на крајот да му каже еден ден дека го напушта. Погоден од таа вест, Николај имал срцев удар таа вечер и едвај успеал да ја повика брзата помош по телефон.

Кога лекарите го виделе неговиот кардиограм, биле изненадени: графичките бранови на хартијата изгледале невообичаено - неговиот дијаграм бил многу помал отколку што се очекувало.

Го испитале неговото срце низ крвните садови и дури тогаш биле шокирани. Неговото срце не чукало! Иако крвните садови продолжувале да испумпуваат крв. Неговото тело функционирало нормално, иако според сите правила, не е возможно.

Бројни последователни лекарски прегледи само го потврдија претходниот наод: срцето на Николај не чукаше. Лекарите го известиле за чудниот статус на неговиот кардиоваскуларен систем при првиот преглед по напуштањето на болницата. Сега, Николај редовно оди во локалниот кардиоваскуларен центар, каде ја следат неговата состојба и продолжуваат да го испитуваат неговото чудно срце.

„Кога лекарите ми рекоа, бев шокиран. Се плашев да се помрднам, па дури и да дишам. Цело време бев во паника: Мислев дека крвта ќе престане да тече низ моето тело и дека сигурно ќе умрам. Тогаш се навикнав на мојата состојба, а сега дури успеав да заборавам “, вели Николај.

Шест месеци по срцевиот удар, Николај запозна девојка, но тој се плашеше дури и да ја допре, плашејќи се дека може да умре од тоа. „Мислев дека секој стрес, позитивен или негативен, може да биде кобен за мене. Но, тогаш сепак решив да живеам полн живот, како порано“, вели Николај.

Виталиј Левицки, професор на Институтот за кардиологија, вели дека Николај Михаљничук е третиот човек во светот што живее со „мртво“ срце. „Едната личност слична на Николај е во Бразил, другата во Јапонија. Инаку, крвните садови на човечкото срце се еластични и доволно силни за да испумпуваат крв. Затоа Николај е сè уште жив, дише и се движи. Неговото срце е живо, но може да се каже дека спие. Нешто вакво може да се случи како резултат на стрес, и тој го имаше. Силното емоционално искуство предизвикува голема хормонална активност, што првенствено ги оштетува срцето и крвните садови “, објасни Левички.

Феноменот на мртво срце првпат беше откриен во 1950 година во Виена. Во тоа време, научниците откриле „мирни“ делови на срцевото ткиво кај седум испитаници, додека тестирале нов модел на кардиограф. Сите тие изјавија дека претходно доживеале многу силен емоционален стрес. Но, кај овие седум лица беа „замолчени“ само некои делови од срцето; Сепак, Николај е дефинитивно уникатен, бидејќи целиот негов срцев мускул е под влијание. Ако тој немаше толку силни и еластични крвни садови, тој не ќе можеше да преживее.

„Овој човек може да живее нормален живот многу години. Не смее да се занимава со напорни спортски активности, а едноставните физички вежби и умерениот секс можат да му користат само “, тврди проф. Левички.

Патем, според статистичките податоци на Светската здравствена организација, околу пет проценти од луѓето живеат (релативно нормално) со само еден бубрег; 3,3 проценти имаат само едно белодробно крило; 1,9 проценти немаат стомак; околу 0,3 проценти од луѓето се родени со само еден тестис.