Уште три нови симптоми на коронавирусот

Центарот за контрола и спречување на болести (ЦДЦ) се чини дека неодамна додаде три нови симптоми на коронавирусот на тековениот список.

Конгестија или течење на носот, гадење и дијареја беа додадени, придружувајќи се на списокот на федералната агенција кој веќе вклучува треска, кашлица, скратен здив или отежнато дишење, замор, болки во мускулите или телото, главоболка,  губење на вкус или мирис и болка во грлото.

„Оваа листа не ги вклучува сите можни симптоми. ЦДЦ ќе продолжи да го ажурира овој список, бидејќи ќе дознаваме повеќе за КОВИД-19 “, според ЦДЦ. 

Новите симптоми беа тивко додадени, при што еден весник објави дека измените се направени на 13 мај.

ЦДЦ направи слична промена во април кога официјалните лица  додадоа шест дополнителни симптоми на списокот . Во тоа време, овие нови промени вклучуваа треска, повторено, болка во мускулите, главоболка, болки во грлото и губење на вкус или мирис.

Кога започна пандемијата, треска, кашлица и останување без здив се пријавени како најчести знаци на инфекција.

Симптомите можат да се движат од благи до сериозни, при што повеќето луѓе почнуваат да ги доживуваат два до 14 дена по изложеноста на новиот вирус или САРС-КоВ-2.

„Постарите возрасни лица и луѓето кои имаат тешки медицински состојби како срцеви или белодробни заболувања или дијабетес, се чини дека се изложени на поголем ризик за развој на посериозни компликации од заболување од КОВИД-19“, предупредува ЦДЦ, истакнувајќи дека „знаци на предупредување за итни случаи“ за КОВИД- 19 обично вклучуваат проблеми со дишењето, постојана болка или притисок во градите, неможност да се разбудите или да останете будни.

„Ако некој покажува некои од овие знаци, веднаш побарајте итна медицинска помош“, велат од ЦДЦ.

До денес, има повеќе од 9,4 милиони случаи низ целиот свет заразени со коронавирус, покажуваат податоците на универзитетот Џон Хопкинс. Само во САД има забележано повеќе од 2,3 милиони случаи и најмалку 121.996 смртни случаи поврзани со вирусот.