Ваков кич и невкус не сте виделе никаде: Вака поранешната љубовница на Путин го уредила станот - од неговите пари (ФОТО)

Малку се знае за приватниот живот на рускиот претседател Владимир Путин, а особено е интригантен неговиот љубовен живот. Светлана Кривоногих наводно била љубовница на Владимир Путин, а во март 2003 година ја родила ќерката Луиза Розова. На социјалните мрежи кружат фотографии од нејзиниот луксузен стан во Санкт Петербург, кои станаа вистински хит поради, благо кажано, импресивната декорација.

Андреј Захаров, новинар и истражувачки известувач на Би-Би-Си Русија, на својот Твитер сподели фотографии од станот кои на прв поглед веднаш привлекува внимание и предизвикува неверување. Во описот на својата објава тој напиша: „Нешто малку за војната. Светлана Кривоногих изнајмува стан на островот Камени во Санкт Петербург за 700 илјади рубли месечно. Станува збор за истата зграда со 20 стана во која се сместени само пријателите на Путин - Ротенберг, Шамалов, Ковалчук.
Оваа објава содржи фотографии од внатрешноста на станот. Но, бидете многу внимателни, можеби ќе останете шокирани“.

И навистина, на првата фотографија се гледа стан уреден на начин каков што ретко се гледа. Мешавина од луд луксуз, бескомпромисен луксуз и стил за кој може да се дебатира. 

„Ова е вистински ентериер на луксузен стан во сопственост на поранешната љубовница на Путин, Светлана Кривоногих. Станот наводно бил подарок од неговите пријатели една година откако таа ја родила неговата вонбрачна ќерка. Овој стан во Санкт Петербург можете да го изнајмите за околу 9 илјади долари месечно“, напиша Захаров.

These are real interiors of a luxury apartment owned by former Putin's mistress Svetlana Krivonogikh. It was supposely a gift from his friends one year after she gave birth to his illegitimate daughter.

You can rent this apartment in Saint-Petersburg for about $9000 per month. pic.twitter.com/B6cjaeLFwU

— Andrey Zakharov (@skazal_on) April 7, 2022

Неговата објава за кратко време стана вистински хит на социјалните мрежи, а фотографиите почнаа да се споделуваат и коментираат како лавина. 

 „Доказ дека парите не можат да купат добар вкус“ - пишуваат многумина.

Во описите на фотографиите Захаров откри дека станот има четири ката, вклучувајќи и подрум, а има дури и лифт. 

Инаку, многу се зборува за приватниот живот на Владимир Путин, но малку се знае за сигурно. 

Познато е дека со поранешната сопруга Људмила има две ќерки, Марија и Катерина. Со години се зборува дека има уште деца, но тоа никогаш не е потврдено. Се шпекулираше дека има ќерка со гимнастичарката Алина Кабаева, а потоа и близнаци. Во декември 2020 година, беше откриено дека Путин наводно имал ќерка Луиза Розова со чистачката Светлана Кривногик. Светлана поради тоа наводно станала милионерка и косопственик на голема руска банка.

Во нејзината биографија е наведено дека учела на Универзитетот за економија и финансии во Санкт Петербург, а дипломирала во 2000 година. Таа родила ќерка, Елизабета, попозната како Луиза Розова, во март 2003 година. Истрагата во 2020 година открила дека презимето на Луиза била Владимировна и дека нејзината мајка поседува огромен имот вреден неверојатни 3,1 милиони фунти, вклучувајќи го и овој впечатливо уреден стан во Санкт Петербург.

Декорацијата на овој стан многумина ги потсети на луксузно уредениот стан на Доналд Трамп, кој некогаш беше во центарот на вниманието. Имено, по победата на претседателските избори во 2016 година, Доналд Трамп и неговата сопруга Меланија се преселиле од луксузниот пентхаус на 66-от кат на кулата Трамп во Белата куќа. Не беше тешко да не се забележи декорацијата на тој стан. Споменатиот пентхаус бил украсен од легендарниот дизајнер Анџело Донгија кон крајот на 80-тите години на минатиот век. Мермерот, златото и сјајот измешани во неколку стилови се водечките одредници на овој аранжман, кој, се чини, ѝ падна во очи и на поранешната љубовница на Путин.