„Ваков папучар не сме виделе“: Сопруг порачал пица за својата бремена сопруга која ги фрапирала вработените

Работник во една пицерија сподели на социјалните мрежи сметка која за миг предизвика лавина реакции – бидејќи се работеше за една од најчудните и најхаотични нарачки што некогаш пристигнале кај нив.

 На само една голема, рачно изработена пица, клиентот побарал комбинација што ретко кој би се осмелил да ја проба: тројни феферони, дополнителен кашкавал, банана пиперки, халапењо, половина пилешко, половина шампињони, половина карамелизиран кромид, половина маслинки и благ сос. Комбинација што изгледа како некој да се скарал со животот и решил сè да фрли на тестото – па што биде.

Но не необичната мешавина го привлече вниманието на јавноста, туку пораката што клиентот ја оставил под нарачката.

Кратко објаснил дека дома има бремена сопруга и дека престанал да поставува прашања. Напишал и дека се плаши од нејзините „труднички“ желби, па ги советувал вработените да не прашуваат ништо – само да направат сè точно како што пишува, бидејќи тоа е токму она што таа го сака.

Оваа искреност го освои интернетот. Луѓето се пронајдоа во неговата ситуација, смеешејќи се на неговото признание, но и препознавајќи ја слатката оданост на маж кој само сака на својата гладна, хормонално чувствителна сопруга да ѝ обезбеди мир во домот. Сметката стана потсетник дека зад најчудните нарачки често стои приказна што совршено ја објаснува секоја нелогичност.